Serchhip-ah Swachh Prerak Day hmangin Swachh Survekshan Grameen hawnna neih a ni

Nimin khan Serchhip-ah Swachh Prerak Day hmangin Swachh Survekshan Grameen hawnna neih a ni a, he hun hi District Bawrhsap, Sangchhin Chinzah chuan hmanpuiin thingtlang khaw fai thlanchhuah hnenah lawmman hlan a ni a, Hmun\ha khua chu thingtlang khaw fai berah thlan a ni.

Serchhip P&E Veng YMA Hall-a he hun hman ah hi PHE Serchhip WATSAN Division-a Sr. Executive Engineer, Er. F. Lalsanglura chuan kaihruaiin Mizoram District fai thlanna neih ah a ti\ha pathum zinga Serchhip District thlan a nih avanga Serchhip District Bawrhsap in hma la \ha chawimawina thuziak leh Memento a dawn chu Serchhip District Bawrhsap, Sangchhin Chinzah hnenah hian hlan a ni a. Hemi hnu hian Swachh Survekshan Grameen hawnna thu sawiin District Bawrhsap, Sangchhin Chinzah chuan, Faina chu Pathian kan an theihna hnai ber a nih thu a sawi a. India ramah Swachh Bharat Mission kalpui a nih hnuah hmuh theihin kan fai tih sawiin, he hmalakna hi Rural (thingtlang) leh Urban (khawpui)-ah \henin, Rural-a hmalakna chu PHE Department in an kalpui thu a sawi a. Serchhip District chhungah pawh PHE Department hian nasa taka hma lain hna an thawh thu leh a beisei aia nasa a hna an thawh nasat thu sawiin, Mizoram District hrang hrang zinga hma la \ha pathum thlan zinga Serchhip District thlan a ni pawh PHE Department thawhrah a nih thu a sawi.
Serchhip District Bawrhsap chuan faina chu mahni tana \angkai leh hlawk a nih thu sawiin, hma kan laknaa a hlawkna teltu pawh keimahni \heuh kan nih avangin faina kawnga hmalakna tih hmasawn chu a pawimawh tih kan ram hruaitu ten an hriat avangin Swachh Survekshan Grameen, 2019 hi buatsaih a nih thu leh hlawk taka kan hman a duh thu a sawi bawk.
He hunah hian Swachh Bharat Mission (Grameen) hnuaiah Serchhip District chhunga thingtlang khaw fai thlanchhuah te hnenah lawmman sem niin khaw fai berah Hmun\ha thlangin lawmman ah Rs. 15,000/- leh thuziak hlan an ni a, pahnihna lawmman chu Vanchengte leh Sailulak khua te hnenah hlanin Rs. 10,000/- leh Citation an dawng a, Buangpui leh East Lungdar khua ten lawmman pathumna dawngin Rs. 5000/- leh Citation hlan an ni bawk.
Heng bakah hian Serchhip District-ah WATSAN Committee \ha 10 thlanchhuah leh Swachhagrahi hna thawk \ha mi 10 te hnenah lawmman pawisafai leh thuziak hlan an ni a, SBM (Grameen) chuan PHE Department-a EE, SDO leh JE te chu Faina kawnga hma an lakna ah lawmthu sawina atan thilpek an hlan a. MJA Serchhip District te hnenah pawh Faina kawnga SBM (G) hmalakna \hahnem ngai taka an thawh-pui avang leh an thlawpna avanga lawmthu sawina atan thilpek an hlan bawk.
Nimin a Swachh Prerak Day leh Swachh Survekshan Grameen hawnna hunah hian Er. H. Duhkima, State Coordinator, SBM Mizo-ram chuan Mizoram chu ODF-a puan a nih hnua he dinhmun luah reng theihna tura hmalak dan tur kalkhawmte zirtirin Er. PB. Lalnunsanga, SDO PHE, East Lungdar WATSAN Sub-Division chuan khaw tina WATSAN Committee te hmalak dan tur a zirtir a, Er. R. Zoramsangi, SDO PHE, Tlungvel WATSAN Sub-Division chuan khaw tina Swachhagrahi te mawhphurhna hrang hrangte a zirtir bawk.
He hunah hian Serchhip District-a Water and Sanitation Committee aiawhte leh khaw hrang hranga Faina kawnga hma la tu leh sawr-kar hmalakna bawhzuitu, Swachhagrahi te bakah PHE Department a thawk te leh thuthar theh-darhtute an tel a. District chhunga WATSAN Committee leh Swachhagrahi te tana T-Shirt siam thar pawh he hunah hian tlangzarha semchhuah nghal a ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia