Latest News

NH. 54 laihzauh mekah zangnadawmna la tawh In la thiat si lo te thiah sak tan an ni

Image
National Highway-54 laihzauh leh siamthat hna thawh mekah Serchhip District chhunga zangnadawmna la tawh, mahni In la thiat lo te chu nimin Nov. 28, 2023 khan Executive Magistrate te kaihhruaina hnuaiah endik leh niin In la thiat lo te chu thiah sak tan an ni.

YMA General Conference ah tui harsat loh nan hma la

PHE Serchhip WATSAN Division-a Sr. Executive Engineer, Er. F. Lalsanglura chuan North Vanlaiphai in YMA General Conference a thlen turah mipuite tan Tui lama harsatna awm lo turin hma an lak thu a sawi.
PHE Serchhip WATSAN Division-a Sr. EE, Er. F. Lalsanglura hian thla thar-a YMA General Conference thlengtu tur North Vanlaiphai khua hi niminpiah khan tlawhin he Conference neih chhunga mipui ten Tui lama harsatna an tawh lohna tura hmalakna te a en a. Hemi hnua kan Palai in a biakna ah Er. F. Lalsanglura chuan tunah hian North Vanlai-phai khua hian Tui-ah hian harsatna lutuk an tawklo tih sawiin, amaherawh chu YMA General Conference neih turah hian mikhual sing tel in belh thei an nih avangin khawtlang mipui leh mikhual ten Tui-a harsatna an tawhlohna turin an Department chuan theihtawp an chhuah thu leh khawmpui chhunga mipui ten an mamawh zat Tui an dawn theih nan ruahmanna siam a nih thu a sawi a ni.
Er. F. Lalsanglura hian Lungkawlh-a PHE Reservoir hmun min pawh a enfiah bakah PHE Department in Biate Water Supply Pumping Scheme hnuaia Biate chawmna atana Tuipui lui lak hna thawh mek chu a enfiah bawk a. Tuipui lui lak hna hi cheng nuai 1364.6 senga thawh niin kumin hian hawn hman tuma chak taka hmalak mek a ni. PHE Sr. EE, Er. F. Lalsanglura hian nimin tlai khan Aizawl panin Vawiin leh naktuk ah Meeting pawimawh-ah a tel nghal dwn a ni.

Comments

Popular News (Last 30 Days)