Dy. Chief Minister hova Swachh Prerak Day hmangin PHE Deptt. a hnathawk \ha chawimawi an ni

Nimin khan PHE Department changtu Deputy Chief Minister, Tawnluia hovin Swachh Prerak Day, 2019 (Faina Thlentute Ni) hman a ni a, PHE Department-a thawk \ha te chawimawina hlan niin PHE Serchhip WATSAN Division a\angin Sr. Executive Enginner leh SBM-a District Coordinator ten chawimawina hi an dawng a ni.

Aizawl Vanapa Hall-a Swachh Prerak Day, 2019-ah hian Deputy Chief Minister chuan Faina kawnga mahni khuaa a hmuna thawktu Swachh Grahi leh tlawmngai pawl hrang hrang leh PHE Department a thawktute chungah lawmthu sawiin, Faina kawngah hma kan sawn theihna turin inelna pawh chi hrang hrang buatsaih hin a nih thu a sawi a. Faina Hapta Sawrkarin a hman \hin hun pawh a lo thleng \ep tih sawiin, Mizoram-ah khawpui (Notified Town) 22 leh khawpui lian (City) pakhat awmin, heng khawpuiah te hian khaw fai endik hna sawrkar chuan a kalpui mek a, thingtlang lam (Gramin) chu District tin pualin khawfai thlan a ni tawh a. Heng khaw fai thlan te hi October ni 2-ah chawimawina hlan tum an ni tih a sawi bawk.
Deputy Chief Minister chuan India rama chengte fai leh thianghlimna lama hmasawnna atan kum 1986-ah bul \anin, kum 2014-ah Swachh Bharat Mission (SBM) hmangin nasa leh zualin India ramah faina kawnga hmalakna chu kalpui a ni tih a sawi a, SBM hian a tum ber chu fai leh hrisel duhna thinlung ramchhunga chengte hnena neih tir hi a ni tih sawiin, SBM denchhen hian PHE Department chuan Central YMA nen thawhona thuthlung pahnih- Mizoram-a tuihna humhalh leh a awmsa te tihpun leh fai leh thianghlim lamah thawhona siam a ni a, he thawhhona hian hmasawnna duhawm tak tak a thlen chho mek a ni, a ti a. Fai leh thianghlimna kawngah inlungrual taka nitin hmasawn zel turin leh India rama fai ber nihna hauh thei tura \anla turin mitinte a sawm bakah \awitheihlo (plastic) hmanna kawngah te pawh fimkhur lehzual turin leh lui dung leh kawr te pawh vawng fai zel turin mipuite chu a sawmin a fuih nghal bawk.
Nimin-a he hun hman ah hian PHE Department chhunga Faina kawnga thawktute hnenah chawimawina thuziak hlan niin Serchhip District a\angin Sr. EE, Er. F. Lalsanglura chuan chu chawimawina hi hlan a ni a, ani bakah hian Er. Netralal Jaisi (Lawngtlai District), Er. J. Kapkima (Champhai District), Er. C. Zothan-tluanga (Aizawl District), Er. Lalzawmliana (Mamit District), Er. Laltlanchhunga (Lunglei District), Er. H.Lallianmawia (Kolasib District) leh Er. H.Lalnunthanga (Siaha District) ten he chawimawina hi an dawng.
Heng bakah hian Mizoram District 8-a PHE Department hnuaia Swachh Bharat Mission (SBM) District Co-ordinator pariat zinga ti\ha pathum thlanchhuah zingah Samuel Lal-lawmzuala, Serchhip District chu telin chawi-mawina hlan a ni a, Malsawmtluanga (Kolasib District) leh Julie C. Mawii (Champhai District) te pawh chawimawina hi hlan an ni a, anni bakah hian Faina kawnga tlawmngaia hmala zingah Mamit District a\anga New Delhi a ‘National Award’ dawngtu, Laltharzeli hnenah lawm-puina hlan a ni bawk.

Comments

Popular posts from this blog

PAN CARD an tih teh fo hi - Laldinpuia