Horticulture Development Board \hutkhawm nei

Mizoram sawrkar-a Horticulture Development Board chu nimin khan CM Cabinet Meeting Room-ah \hukhawmin Board hmathlir hrang hrang an sawiho.
He \hutkhawm hi Board Chairman Chief Minister, Zoramthanga chuan kai-hruaiin Mizoram chu ei tura intodelh a siam chu a pawimawh hmasak ber thu sawiin, Board Member \hukhawm te chu Board hnuaia Horticulture in a huam chin thlai leh thei te hlawk zawka tharchhuak a nih theih nan leh, state mamawh tawk tharchhuah bakah hralhchhuah tur thlenga ngaihtuahna seng turin a sawm a. Mipui mamawh phuhruk thei tur chuan tam tham taka tharchhuah (large scale production) a ngaih dawn avangin mihring tha chauh a innghat lovin a theih chin chinah khawl hmang chungin (mechanization), a kalphungah pawh privatization ang zawnga kalpui tur a nih thu a sawi bawk.
He Meeting-ah hian Horticulture Board hmalakna tur \huang hrang hrang sawiho niin, mihring hriselna atana pawikhawih thei Chemical Fertilizer ah innghat lova Organic Fertilizer a lei\ha mamawhna zawng zawng phuhruk thei tura hmalakna siam chungchang te, a hmun a zira thlai leh thei chin tur bithliah te, tharchhuah sa dah\hatna tur leh hnianghnar taka tui hman tur a awm reng theih nana Fur ruahtui khawlna tur leh semchhuah dan tur leh a dangte sawiho a ni.

Comments

Popular posts from this blog

PAN CARD an tih teh fo hi - Laldinpuia