Latest News

Mizoram-a zirna in hma a sawn theih nan Samagra Shiksha, Mizoram leh YMA thawkdun dawn

Mizoram chhunga pawl 1 a\anga pawl 12 thlenga zirna in hma a sawn zel theihna tura thawkho turin nimin khan Samagra Shiksha, Mizoram leh Central Young Mizo Association-te chuan thawhhona thuthlung an ziak a. School Education Minister, Lalchhandama Ralte chuan YMA nen thawhhona an ziak thei chu lawmawm a tih thu a sawi.

School Education Minister Office Chamber-a he thawhhona thuthlung ziah ah hian School Education Minister, Lalchhandama Ralte chuan a Office-ah ngei Samagra Shiksha, Mizoram leh Central YMA-ten thawhhona thuthlung an ziak ta chu lawmawm a tih thu sawiin, YMA Branch, Group, Sub-Headquarters leh General Conference thlenga kan uar em em chu zirna siam\hat lam a ni tih a sawi a. ram leh hnam humhalh tur pawhin zirna chu a hnuk pawimawh a nih hriain YMA chuan Zirna uar Kum te pawh a puang a, YMA te hmalakna chu sawrkar pawhin hriain thawhdunna thuthlung ziah leh a ni ta chu lawmawm a tih thu a sawi a. Mizoram hmun hrang hranga zirna kalpui dan leh a siam\hatna lam pawh lo enpuia lo venpui zel turin Minister chuan YMA te chu a sawm a ni.
He hunah hian Central YMA President, Vanlalruata pawhin Ram leh hnam dinchhuahna atana pawimawh ber chu zirna a nih avangin ram siam\ha tura Zirna lamah tih takzeta thawh a \ul thu a sawi a, zirna siam\ha tura sawrkar hmalakna thlawpin hmun kilkhawr zawkah zirna \ha a awm theih nan uar zawkin YMA chu a thawk zel dawn tih a sawi bawk.
Nimin a he thawhhona thutlung an ziah takah hian Samagra Shiksha, Mizoram aiawhin Lalhmachhuana, State Project Director-in a hming ziakin Central YMA aiawhin an President, Vanlalruata chuan a hming a ziak a, School Education Minister, Lalchhandama Ralte chuan a hming a ziah hnan bawk.
Samagra Shiksha, Mizoram leh Central Young Mizo Association-ten Thawhhona Thu-thlung an ziah tak hi kum 2 chhung atan a ni a, zirna siam\hatna kawng hrang hrang -Naupang kum 6-14 inkar sikul kai rual si sikul kai lo dap chhuah kawngah leh sikul luhtir tura hmalakna te, Naupang rualbanlo zirna lam te, zirlai naupang ten ngaihsan tur dik an ngaihsan theihna tur leh hnam ziarang inzirtirna lamahte an thawkho dawn a ni.

Comments

Popular News (Last 30 Days)