Dy. CM in Multi-Level Car Parking cum Market & Multi Utility Building sakna tur lungphum phum

Urban Development & Poverty Alleviation (UD&PA) Department hnuaia Aizawl Thakthing Veng-a Multi-Level Car Parking cum Market & Multi Utility Building sak tur chu nimin khan UD&PA Department changtu Deputy Chief Minister, Tawnluia chuan a lungphum a phum.
Multi-Level Car Parking Cum Market & Multi Utility Building, Thakthing Veng hi UD&PA Department kaltlangin cheng nuai 884.73 senga sak tur a ni a, Basement I,II leh III awm tur niin Ground Floor, First Floor leh Second Floor a awm bawk ang. He building-ah hian LMV 30 leh Two Wheeler 30 hun theih tura rauhman niin Bazar, Auditorium leh Facilities Centre awm tura duan a ni a, thla 24 chhunga sak zawh tura ruahman a ni bawk.
He Building sakna tur lungphum phumna hunah hian Deputy Chief Minister chuan Thakthing Veng mipui ten an Veng huamchhunga sawrkar hmalakna \ha taka an lo thlawp tawhna ah leh thawhho \hinna ah lawmthu sawiin, tuna an hnathawh tur pawh a lungphum phum a nih a\anga hna thawh zawh thlenga \ha taka enpuia vilpui \hin turin khawtlang hruaitute leh mipuite a chah a. Smart City Mission hnuaiah kawng hrang hrangin Aizawl khawpui thawm \hat hna kalpui a nih tur thu sawiin, “Hmun pawimawh zual hrang hranga CCTV dah te, Utility service kan tih ang tui, electric leh bawlhhlawh paih dan thlengin kan in monitor thei tawh dawn a, mipuiten awlsam zawka sawrkar an dawr theihna tur Common Service Centre te leh hmun hrang hrangah wifi hotspot te dah a ni ang,” a ti bawk.

Comments

Chhiar Hlawhte