Health Minister in damdawi In pahnih tlawh

Health & Family Welfare Minister, Dr. R. Lalthangliana chuan nimin khan Durtlang-a Synod Hospital leh Seventh Day tlang-a Adventist Hospital te tlawhin thawktute nen inkawmna neiin Mizoram Health Care Scheme thar kalpui a nih dan tur an sawiho.
Heng damdawi In pahnih a tlawhna hunah hian Health Minister chuan Mizoram sawrkar in Health Care Scheme thar a duang chhuak tih sawiin, hei hi tihlawhtling tur chuan Private damdawi In leh Kohhran damdawi In te nen an thawhho a pawimawh hle tih a sawi a. Health Care Scheme thar chu langtlang taka kalpui tur a nih avangin engmah thuhruk a awm dawn lova, inenkawlna rate zawng zawng pawh sawrkarin notification a chhuah vek dawn tih sawiin, he Scheme hnuaiah hian chhungkua a hotu ber hmingin inziahluh theih a ni dawn a, Ration Card a chhungkaw member zawng zawng a huam dawn a ni, a ti a. Chhungkaw pakhat tan kum 1-ah cheng nuai hnih (2) \heuh inenkawlna senso atan a hman theih dawn a, damdawi In lam tan pawh damlo enkawlna bill bat sak ang chi kha a awm tawh dawn lo a ni, a ti.
Health Minister in heng damdawi In pahnih a tlawhna hunah hian Dr. Biakthansangi, CEO, Mizoram Health Care Society in Health Care Scheme thar chungchang sawifiahna hun a hmang a, Health Care Scheme thar chu tunhma a Health Care Scheme te aia changtlung zawk a nih thu leh Insurance Company te nen an thawkho tawh dawn lo tih sawiin, Trust Mode a kalpui tur niin Mizoram Health Care Society in a enkawl dawn avangin damlo, enkawlna senso pawh ba lova pek tlak nghal zel a nih dawn thu leh hei vang hian Private Hospital leh Kohhran damdawi In te tan pawh hlauhthawn tur a awm lova, damlo enkawlna senso pawh sawrkar hnathawkte enkawlna rate nen inang a siam a nih dawn thu a sawi bawk.
Mizoram Health Care Scheme leh Ayushman Bharat Pradhan Mantri Jan Arogya Yojana (AB-PMJAY) hi a hranga kalpui tur a ni a, heng scheme pahnih hi October ni 1, 2019 a\anga hman \an tur niin policy pakhat hian kum khat chhung zel a awh ang. Mizoram Health Care Scheme-ah hian AB-PMJAY hmang theilo BPL, APL leh sawrkar hnathawk ten sawrkara an bill sak theih loh chhungkaw member zawng zawng an inziaklut thei dawn a, he Scheme hnuaia inziaklutte hian damdawi In-a an inenkawlna senso chhungkaw khatin kum khat atan Rs. 2,00,000/- thlengin an bill thei dawn a, Mizoram chhung bakah phai lama inenkawlna te pawh a huam tel dawn a ni. He scheme hnuaiah hian September-November, 2019 chhung inziahluhna hun hawn a ni ang a, BPL tan Rs. 100/-, APL tan Rs. 1000/- in inziahluh theih a ni a, natna zawng zawng deuhthaw an bill theih dawn bakah admit kher ngailo tan natna chi hrang hrang 26 ah opd inentirna a bill theih dawn bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia