TCZP hmalakna in Tuichang Lei dawh enfiah

Khawlailung leh Hmunzawl inkar Tuichang Lei (Minor Bridge) dawh mek \halo nia sawi chu kar kalta khan Tuichangral Zirlai Pawl, LAD-a JE leh Contractor te'n a hmunah an enfiah.
Tuichangral Zirlai Pawl (TCZP) ten Khawlailung leh Hmunzawl inkara Tuichang Lei (Minor Bridge) dawh hna thawh chu a chhe lutuk nia an sawi chungchanga hma an lakna kal zelah District Local Administration Officer (DLAO) Serchhip District in hriattirna a chhuah angin tun thla ni 19 khan he Lei dawh mek hi TCZP aiawh leh Department JE bakah Contractor te hian an enfiah a. Hemi hnua thuchhuah an siamah Tuichangral Zirlai Pawl chuan he hnathawhna hmun a kalkhawmte chuan Lei dawh chu a \halo tih pawm tlangin; Lei thar dawh theih mai a la nih loh avangin Lei dawh sa hi rinawm zawk a thawm\hat a nih theih nan ruahmanna an siamho tih an tarlang a. He Lei dawh hi mipui ten \angkai taka an hman mek niin, chhiatna duhawmlo tak a thlen hlauhthawn thu ah a ban leh foundation chu tun aia \ang na thei zawk tura beiseiin thirhrui lian dang a pawh belh tur leh a Lei khaina pawh hi Iron Rod (8mm a lian) a metre 2 danah tal khai chhuah leh vek bakah, a lai taka hruipui hniam lai chu Iron Rod bawk a kham san belh nise an ti bawk.

Comments

Popular posts from this blog

PAN CARD an tih teh fo hi - Laldinpuia