Zirlai pawl ten Zirtirtu lak dah a thianghlim nia hriain Appointment pek thuai an duh

Mizo Zirlai Pawl (MZP) chuan Mizoram sawrkar in Middle School leh Primary School tana MR Teacher a lak te chu ti khaw muanglo a appointment pe thuai turin thuneitute an ngen.

Nimin a thuchhuah an siamah MZP General Hqrs. chuan hun rei tak ata tawh zirtirtu indaihlohna sutkian anih theih nan zirtirtu post ruak hnawhkhat turin thuneitute an lo ngen tawh thu leh Mizoram hmun hrang hrangah sawrkar enkawl School zingah zirtirtu awm mumal lohna leh indaihlohna School \hahnem tak ala awm thu an tarlang a. Hei vang hian thingtlang a zirlai tam tak, zirna kaltlanga khaw eng hmuh ve duh ten zirna \ha an dawn theih loh phah \hin tih tarlangin, Mizoram Sawrkarin zirtirtu zariat (800) chuang hnawhkhat tura hma a la ta chu lawmawm an tih thu an tarlang.

MZP chuan Mizoram Sawrkar in MR Teacher Middle School leh Primary School tana a lak tak chu dik an tih thu sawiin, Mizoram Sawrkar in fair takin a la nia an hriat thu leh School Education Minister, Lalchhandama Ralte in, 'A theih chin chinah a khaw mite duhsak an ni ang' tia a lo sawi tawh angin tuna MR Teacher Middle School leh Primary School zirtirtu lakah hian a khaw mi ngei 80% vel lak nia an hriat thu an sawi a. Tuna zirtirtu lak thar chu Thingtlang lam zirtirtu nei mumallo ten an \angkaipui dawn hle ah an ngaih thu leh Party politics in rawlhlo a heti zat zirtirtu huai taka la tu School Education Minister, Lalchhandama Ralte chhuanawm an tih thu pawh sawiin, tun dinhmunah hian a bikin Thingtlang lama zirtirtu nei mumal lo zirlai ten zirtirtu neih hun nghakhlel tak in an lo thlir mek tih an sawi a, tuna MR Teacher Middle School leh Primary School tana lak te chu Sawrkar hian ti khaw muang lo a appointment pe thuai turin thuneitute an ngen nghal bawk.

Mizo Students' Union (MSU) pawhin nimin vek khan thuchhuah siamin tunhnaia Primary leh Middle School a thawk tur zirtirtu lakna Mizoram chhung District paruk a, DPC pakua (9) te hnalak kalpui dan chu ngun taka an thlir thu leh thianghlim leh felfai taka hnalakna hi kalpui nia a hriat avangin he hnalakna hi ti khawtlai lo a, zirtirtu ten an thawhna tur School \heuhah zirna an kalpui theihdan ngaihtuah thuai turin Mizoram sawrkar an phut thu an sawi a. MSU leh Mizoram Sawrkar chuan July, 2019 khan Zirtirtu lak hi felfai taka lak a nih theihnan inremna an siam tih pawh an thuchhuah ah hian tarlangin, tun \um Zirtirtu lak pawh MSU beisei ang ngeia dik leh fel tak a lak a ni chu lawmawm an tih thu an tarlang a. Hei bakah hian MSU leh Sawrkar inremna ah chuan Zirtirtu tur lak a nih reng reng in Writen Exam neih ziah anih tawh tur thu ziaka dah anih thu pawh an tarlang tel bawk.