P/S Zirtirtu training nei \an

Serchhip DIET leh Zoram Entu Pawl (ZEP) Serchhip buatsaihin ni thum (3) chhung awh tur Serchhip District chhunga Primary School Zir-tirtute tana Training chu nimin khan neih \an a ni.
He Training hawnna nimin-a Serchhip DIET Multipurpose Hall-a neih chu Serchhip DIET Lecturer, John Zorammawia kaihhruaiin ZEP hnuaia Quality Education Project-a Coordinator, Baby Lal\hakimi Chinzah chuan he training buatsaih a nih chhan te sawiin, naupang ten lehkha an zirna ah Blackboard hmanga zirtir chauh ni lovin Art leh Creativity te hman \angkai a nih theihna tura buatsaih a nih thu a sawi.
Zoram Entu Pawl (ZEP) chu Catholic Kohhran enkawlna hnuaia NGO a nih thu pawh sawiin, Mizoram hmun hrang hrangah Project hrang hrang an kalpui thu a sawi a. Serchhip District-ah chuan Quality Education bakah naupangte hriselna atan Health Project te, rual-banlote chhawmdawlna atan Community Based Rehabilitation (CBR) te, ruihhlo ngaite chhawm-dawlna ah Drop-in-Centre leh eizawnna kawnga inzirna atan Vocational Training Centre (VTC) te an kalpui mek thu a sawi a. Tuna training an buatsaih hi Quality Education hnuaia an hmalakna a nih thu leh School Education Department leh DIET te nen he hun hi buatsaih a nih thu a sawi a. Quality Education hnuaiah hian Learning Coordinator 6 neiin School 35 an enkawl te chu fangkualin activity hrang hrangte an buatsaih \hin thu a sawi bawk.
He Training hawnna hunah hian DIET Serchhip Lecturer, R. Lalrinawma chuan training an neih chhunga an kalphung turte sawiin, Resource Person atan Rosiamliana Ralte, Senior Lecturer (Rtd), DIET Aizawl leh Isaac Malsawmtluanga, Art Lecturer, DIET Aizawl te hman niin Serchhip District chhunga Primary School zawng zawng leh Serchhip Town chhunga English Medium School aiawhte an tel a, Zirtirtu mi 50 vel an tel a ni.

Comments

Popular posts from this blog

PAN CARD an tih teh fo hi - Laldinpuia