SEC Meeting neih a ni

Serchhip Sub-Hqrs. YMA chuan nimin tlai khan Executive Committee Meeting neiin thu pawimawh hrang hrang an rel.

Nimin tlai-a Sub-Hqrs. YMA Executive Committee \hutkhawm hi an President, R. Sanghmingthanga chuan kai-hruaiin Serchhip-I VC in Serchhip Vengchung-a YMA Social Forestry ram \henkhat, Tumkawn tlang a\anga Hmeichhetui panna kawng phei, Inhmun mamawh te leh motor kawng laih tlang nana an dil chungchang chu ngaihtuahin Forest & Environment Protection Committee leh OB ten a hmunah kalin helai ram hi lo zirchiang se, SEC Meeting neih leh hmasak berah sawiho leh nise an ti.

Hei bakah hian SEC Meeting hian Sub-Hqrs. YMA Anti-Drugs Squad (SADS) Secretary \anglai in chhungkaw rokhawlhna avanga phatna a siam avangin a aiawh turin Ramdin-mawia Ralte, New Serchhip Venglai Branch chu ruat a ni bawk a. Vawiin-a Kanghmun South khua in Serchhip District-a rinluh an nih lawmna khawtlang huapa an neih turah Sub-Hqrs. YMA te telpui tura an sawm angin an President, R. Sanghmingthanga hovin SEC Member te tel se an ti bawk.