Serchhip RD te an che \ha

Rural Development hnuaia Scheme hrang hrang hmalak dan thlirletna hun chu nimin khan Rural Development Department Minister, Lalruatkima hovin Aijal Club-ah neih a ni a, Serchhip District in RD hnuaia hmala \ha lawmman hrang hrang a dawng.

Nimin a he Meeting-ah hian Mahatma Gandhi Rural Employment Guarantee Scheme, Pradhan Mantri Awaas Yojana (Gramin), Border Area Devlopment Programme (BADP), Mizoram State Rural Livelihood Mission, Social Audit Unit (SAU) leh Mission Antyodaya hnuaia kum chanve chhunga hmalak dan thlirho a ni a. RD Minister chuan DRDA Project Director leh Block Development Officer-te chu mirethei dawmkan nan leh ram hmasawn nana thawktu an nih inhria a mahni bial hrechiang tur leh \hahnem ngai lehzuala thawk turin a fuih a. Scheme kalpui a nih danah fel leh dik taka kalpui a ni em tih uluk taka enzui a vil turin a chah bawk.

Meeting-ah hian District leh Block hrang hrang ten thingtlang tihhmasawnna tur Scheme hrang hrang an kalpui dan tarlangin, hmasawn an ngaihna lai te sawiho in sawrkar laipuiah Mid-term Review Meeting hmachhawn leh a ngaih dawn avangin huntiam chhunga hnathawh tur bituk te \ha taka hlen chhuak tur leh an thlen chin a\anga hmasawn \heuh a \ul zia in hrilhhriat a ni.

He hunah hian RD Scheme kalpui \ha District leh Block hrang hrangte hnenah Award hlanna hun hman a ni a. MNREGA hnuaia tehfung hrang hrangah District bikah chuan Aizawl an ti \ha bera, a dawtah Serchhip niin pathumna chu Kolasib an ni. RD Block-ah Thingsulthliah pakhatna niin Phullen in a dawt a, pathumna chu Darlawn an ni. PMAY (G)-ah Serchhip District pakhatna niin pahnihna Aizawl, pathumna Kolasib leh Champhai an ni. Block-ah chuan East Lungdar pakhatna an ni a, pahnihna Ser-chhip niin Thingsulthliah pathumna an ni.