MZP buatsaihin Nupui/Pasal-a hnamdang nei lo turin inzirtirna leh intiamkamna Ni hman a ni

Mizo Zirlai Pawl (MZP) chuan nimin Sept. 2, 2019 khan “Mizo zirlaite tan hnamdang Nupui/Pasal nei lo tura inzirtirna leh intiamkamna Ni ” chu Aizawl-a School hrang hrangah an hmang.

Hnamdang nupui/pasal neilo tura zirlaite zirtirna leh intiamkamna Ni-ah hian MZP hruaitute chu School hrang hrang an tlawh kual a. School hrang hrang tlawhkual a thusawitu MZP President L. Ramdinliana Renthlei chuan kawppui atana mahni hnam pui ngei te neih chu ram leh hnam humhalhna kawng pawimawh tak a ni tih sawiin, Mizote chu hnam tlem leh humhalh ngai kan nih avangin ram leh hnam humhalh kawngah thikthu kan tihchhiat telh telh a ngai tih a sawi a. Hnamdang nupui pasala neite chu Mizo hnam phatsantu leh ram leilung fate chanvo chuhpui thei a hnamdang siamtute an nih avangin, Mizo zirlaite leh \halaite chu mahni hnam pui te ngei nupui pasal atana neih duhna thinlung pu tlat turin MZP chuan a sawm tih a sawi bawk.

MZP President chuan kan Mizo Customary Law, Mizo hnam Dan-ah chuan Mizo hmeichhia in hnamdang pasala a neih chuan hnamdang chhungkua-ah a lut a ngaih a ni tih pawh sawiin, hemi a nih avang hian Mizo nula ten hnamdang an neih chuan an hnam kha an kalsan a ni tawh a, an Mizo na kha an hlauh tihna a ni tih sawiin, “Mizo kan nih anga kan ham\hatna zawng zawng kha kan nei thei tawh lo a ni,” a ti bawk.

Hnamdang nupui/pasal nei lo tura inzirtirna leh intiamkamna hun hi MZP chuan kum 2015 a\ang khan kumtin September 2-ah an hmang \hin a. Aizawl khawpui chhung School \hahnem takah hun hman niin zirlaite leh zirtirtu ten an hlut hle tih MZP thuchhuah chuan a tarlang bawk.