Serchhip damdawi In TRAUMA Building zauhna tura hnathawh mek YMA in an enfiah
Serchhip Sub-Hqrs. YMA Vigilance & Monitoring Committee chuan nimin zing khan Serchhip Damdawi In TRAUMA Extension sak mek a hmunah enin a satu Engineer te nen an thlirho.
Helai hmuna hnathawktute viltu Ramdinthara, Side Engineer chuan he TRAUMA Extension an sak tur hi a \ha thei ang bera sak an tum thu a sawi a. Tuna an sak dan, Concrete ban pum tichhe lova a pawnlang chauh tichhia-a an chhunhnan chu sum duhkhawp a awmloh avangin Department lam Engineer ten \ha tur anga an ngaih a nih thu sawiin, ral a en ang ngawt a nilo a, uluk takin a ban an chhun hnan leh tur pawh rod thar hmanga an phuar zawm vek thu a sawi a. Hetiang a Concrete ban chhun hi a hlauhawm loh bakah a concrete hlui chakna a la rin tel theih avangin engmah hlauhthawn tur a awmlo tih a sawi. Hetianga ban chhutchhiat kim lohva chhun hnan, 'Retrofitting' an tih ang hi hmun dangah te pawh lo tih tawh \hin anih thu sawiin, Engineer te pawhin \ha leh him tawkah an ngai tih a sawi bawk. An hnathawh te chu an Consultancy hmingchherna tur anih avangin a \ha thei ang bera an sak tur thu sawiin, hmanrua an lakkhawm reng reng pawh uluk takin an enfiah zel thu a sawi bawk a. Amaherawhchu an sum mamawh te sawrkar lamin duh angin an pekchhuah ran theihloh avangin hna an thawk chak theilo tih sawiin, sawrkar lam hian sum pechhuak chak thei se chu chak taka thawh an duh hle tih a sawi bawk.
He TRAUMA Extension Building sak mek hi kum 2019-a zawh hman an tum tih sawiin, hetah hian Operation Theater bakah Intensive Care Unit (ICU) khum 5 awmna a awm dawn bawk a ni. He hnathawh mek Sawrkar Department lam a\anga vitlu chu Laltleipuia, AE, H&FW Department Aizawl a ni. Nimin zing-a he hmun tlawhna ah hian Dr. ZD. Lalmuanawma, Medical Superintendent Serchhip in a telpui bawk.
Comments
Post a Comment