Hleilenna tawk hmeichhia te pan theih tur 'One Stop Centre' chu Serchhip-ah hawn a ni

Hmeichhia hleilenna chi hrang hrang tawk ten an mamawh hun apianga an pan theih tur, 'One Stop Centre' chu nimin khan Serchhip-ah hawn a ni a, a building tur sak zawh ala nih loh avangin Serchhp DC Office-a Room luah hawhin he Centre hi bul\an a ni ang.
Ministry of Women and Child Development kaltlanga Social Welfare Department hmalakna a din, 'One Stop Centre' hi Serchhip Addl. DC, Chuauhnuna chuan hawngin hmeichhia, chhungkua leh khawtlanga harsatna bik nei, inhumhimna leh inzirtirna bik mamawh te tana Serchhipa One Stop Centre hawn a ni ve ta chu lawmawm a tih thu a sawi a. Chutihrual chuan he hmun pana tlanluh ngai chu ngah lo thei ila a duhawm thu leh, a mamawhtute tan engtiklai pawhin tlanluh theih reng, hman \angkai tur a nih thu a sawi a. Sawrkarin thawktute pawh kokim taka a dah nghal chu lawmawm a tih thu a sawi bawk.
'One Stop Centre' hi hmeichhia, tihduhdah tuar (domestic violence) te tana tlanluhna tura duan niin a \ul dan ang zelin Centre thawktute hian an lo \anpui thuai (quick response) \hin dawn a. FIR thehluh sak te, dan lam lo hrilhhriat te, Counselling te leh thil \ul apiang an lo umzui sak dawn a ni. Hmeichhe tlanlut te hi a \ul angin zan nga (5) thleng he hmunah hian an riak thei dawn a, an fate pawh (mipa an nih chuan kum 8 hnuailam chu) an riahluh pui thei ang. He mi hun chhung hian a \ul ang zelin Centre thawktute hian hma an lakpuiin an \anpui \hin dawn a ni.
Serchhip One Stop Centre tur hi P&E Veng-ah building sak mek a ni a, building hi peihfel a nih hma chu nimin-a an hawnna hmun, DC Office chhawng chung bera Room pakhat chu an luah rih dawn a, a mamawhtute tan Phone Number 8415049957-ah leh 8974582937 ah te biak theih reng an ni a. Thawktu hi Administrator Lalchhanhimi leh midang 8, an vaiin mi 9 an awm nghal a ni.

Comments

Popular posts from this blog

PAN CARD an tih teh fo hi - Laldinpuia