Serchhip District Hospital mamawh leh harsatna hrang hrangte sawihona neih a ni
MNF East Block Serchhip-a Media & Vigilance Committee chuan nimin khan Serchhip District Hospital-a thawktute kawmin Hospital dinhmun leh mamawh hrang hrangte an sawiho.
He inkawmna CMO Conference Hall, Serchhip-a neih hi MNF East Block Media & Vigilance Committee Chairman, B. Vanlalngura chuan kaihruaiin sawrkar hmalakna te pholanga siam\hat ngai te siam\ha tura a \ul anga hma la turin MNF East Block chuan he Committee hi a din tih sawiin, sawrkar hnathawk leh Officer \henkhat inthlahdah avanga mipui ten an dawn tur ang an dawn loh chu eptu lama an awm laia an ngaihmawh \hin a nih thu a sawi a. Tunah sawrkar inthlaka rorellai pawl lama an awm hnuah pawh khang an ngaihmawh te kha an la ngaihmawh reng thu sawiin, sawrkar Officer inthlahdah te avanga Serchhip hmasawnna dal tir chu rem an tihloh thu a sawi a. Tun \um hi a bul\anna a nih thu leh a remchang angin sawrkar Department hrang hrangah hetiang hian hma an lak zel dawn thu a sawi bawk.
He hunah hian Serchhip District Medical Superintendent, Dr. ZD. Lalmuanawma pawhin thu sawiin hetiang hun MNF party in an buatsaih chu lawmawm an tih thu a sawi a. Harsatna an neih hrang hrangte pawh sutkian ve zel a nih thu leh an harsatna neih te sawichhuahna hun remchang a nih a beisei thu a sawi bawk.
Nimin-a sawihona hunah hian Hospital inenkawlna fel tawklo nia lang \henkhat leh kalphung \ha zawk nia hriat te sawihona hun huamzau taka neih niin damdawi In-a thawktute chuan damlo inkan hun an neih sa chu mipui ten an zawm \halo hle tih an sawi a. Dan an zam zawm \halo te avangin thawktute mai bakah damlote thleng pawhin harsatna an tawh \hin thu sawiin, Security an neihloh bakah IV Grade, Group D Staff leh Nurse indaihlohna nasa tak an neih thu pawh an sawi a. Tuna damdawi In building chu a hlui tawh avangin damdawi In enkawlna kawngah pawh harsatna an tawh \hin thu te pawh an sawi a. He inkawmna huna ngaihmawh leh ngaih pawimawh hrang hrang an neih te chu a \ul anga thuneitute hnenah la thlen leh tura ruahman a ni.
Comments
Post a Comment