Dy. CM in Multi Level Car Parking sak mek tlawh

Non-Lapsable Central Pool of Resources (NLCPR) sum hmuh hmanga Mizoram New Capital Complex-a Multi Level Car Parking sak mek chu nimin khan Deputy Chief Minister, Tawnluia chuan tlawhin helai hmuna hnathawktute chu hmalak chhunzawm dan tur te a sawipui bawk.
UD&PA Department changtu ni bawk Deputy Chief Minister, Tawnluia chuan Sawrkar pisa, mipui dawrtu tamna Mizoram New Capital Complex-a motor hunna mumal leh remchang tak awm tur chu lawmawm a tih thu a sawi a, he Multi Level Car Parking sakna tur atana sum mamawh NLCPR in a tum zat tur pawh tihfel vek a nih tawh thu a sawi bawk.
Multi Level Car Parking sak nan hian cheng nuai 3601 ruahman a ni a, a sak hna hi Nov. 20, 2017-ah \an niin November 2019-a sak zawh hman tura beisei a ni. A building zau zawng hi 12,696 Sqm niin motor 351 leh Two Wheeler 224 hun theih tura sak a ni a, a hna hi zaa 60 thawh zawh tawh a ni bawk. He building hi Floor (chhawng) 9 a sang niin Top Floor hi Food Court leh Office atana hman tur a ni a, Floor dang zawng (8 floors) hi Parking atan hman tur a ruahman a ni. Heng bakah hian Rain Water Harvesting Tank, Motor silna, Repairing Workshop leh Passenger lift (full floors) dah tel tum a ni bawk. Parking Floor zawng zawnga motor chevel leh Parking Space ruak awm zat hi Ground Floor a\anga hriat zung zunga motor lut leh chhuak awlsam taka remfel anih theih nan ruahmanna siam tum a ni bawk.
He hna thawhna tura sum hi kum 2017-2018 khan hmuh niin Tender chhuah hnuah Vikas & Associates, New Delhi chu thawk tura thlan a ni a. Tunah hian Central leh State a\anga pawisa hmuh tur zawng zawng hi hmuh/dawn kim tawh a ni.

Comments

Popular posts from this blog

PAN CARD an tih teh fo hi - Laldinpuia