YMA Conference Agenda tur thlitfim a ni

YMA Rorelna sang, Central Coordination Committee \hukhawm chuan thla thar a YMA General Conference neih huna thu ngaihtuah tura chhawpchhuah tur an thlifim.
Niminpiah-a Aizawl Central YMA Hall-a CCC \hukhawm hian thla thar Oct. 15-17, 2019 chhunga North Vanlai-phai khuaa YMA General Conference vawi 72-na neih tura Agenda atana rawtna lut YMA Khawih 18 leh Sawrkar Khawih 18 a\angin General Conference a ngaihtuah turin Agenda 7 an thlang a. Heng te hi YMA Khawih 5 leh Sawrkar Khawih 2 niin YMA Khawih zingah hian Mizoram chhunga In sak leh thildangah |heka tam ta lutuk chungchanga hmalak rawtna te, Mizo mipate dinhmun leh mawhphurhna inzirtir kawnga hmalak rawtna te, All India Service leh Central Service dangah te Zofate a tam thei ang ber kan luh theih nan Central YMA in mi bikte \anpuia chhawmdawl kawngah theih-tawp chhuah rawtna te, Mizo hnam peng hrang hrangte kan in unau leh zual theih nan a huhova Kut hman theih dan ngaihtuah rawtna leh YMA Kumpuan neih \hin chu kum 2 atan kalpui rawtna te a ni a. Sawrkar Khawih zingah Assam leh Mizoram ramri chinfel a nih theih nan hmalak rawtna leh Ramngaw leh Nungcha humhalh kawnga tun aia nasa zawka hmalak rawtna te a tel a ni.
Heng bakah hian Agendan atana rawt thu 8 te chu Central Executive Committee (CEC) bawhzui tura dah a ni a, Kumpuan atana rawtna lut hrang hrang zingah 'Ram leh hnam humhalh' leh 'Zirna Uar' te chu General Conference-ah chhawpchhuah nise an ti bawk.
Tun \uma YMA General Conference Agenda-a chhawpchhuah tur YMA Khawih 5 zingah hian Serchhip Sub-Hqrs. YMA a\anga lut 2 telin CEC bawhzui tura dah zingah Serchhip Sub-Hqrs. YMA a\anga lut 3 a tel bawk a ni.

Comments

Popular posts from this blog

PAN CARD an tih teh fo hi - Laldinpuia