Chief Secretary in HRVA leh DTM te a tlangzarh

Chief Secretary, Lalnunmawia Chuaungo chuan nimin khan New Capital Complex, Ai-zawl-ah 'Hazard Risk & Vulnerability Analysis of 8 District Headquarters' (HRVA) leh 'Digital 3-D Terrain Mapping & Modelling' (DTM) te a tlangzarh.

Mizoram Remote Sensing Application Centre (MIRSAC) in a buatsaih Hazard Risk & Vulnerability Analysis of 8 District Headquarters' (HRVA) leh 'Digital 3-D Terrain Mapping & Modelling' (DTM) tlangzarhna ah hian Chief Secretary chuan tunlai thiamna hmanga Mizoram leilung zirchianna hlawhtling taka buatsaih a ni chu lawmawm a tih thu a sawi a. DTM chu hmasawnna hna hrang hrang, a bikin inkal-pawhna kawngpui siam nan leh ram pianzia mila hmalakna tur hrang hrang atan a \angkai dawn a ni, tiin HRVA chu chhiatrupna laka invenna leh chhanchhuahna hna thawktu sawrkar department hrang hrangte leh NGO te tan a pawimawh hle dawn a ni, a ti a. MIRSAC buatsaih heng Atlas pawimawh tak tak te hi \angkai taka hmang turin department hrang hrangte a chah bawk.

Mizoram District Headquarter hrang hranga khuarel chhiatna thlen theihna hmun te chu Remote Sensing hmangin zirchian a ni a, a inven dan leh mipute a nghawng theih dan te chu Hazard Risk & Vulnerability Analysis (HRVA)-ah hian tarlan a ni a. Mizoram leilung pianzia leh hmelhmang te zirchianna te chu DTM-ah hian tarlan a ni bawk.