Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Kan dinhmun hi a hlauhawm - Lal Thanhawla

MPCC chuan nimin khan Aizawl-a Congress Bhavan-ah Friday Political Session neiin he hunah hian an President, Lal Thanhawla chuan thu a sawi.
MPCC Friday Political Session-ah hian MPCC President, Lal Thanhawla chuan tunlai kan dinhmun hi a hlauhawm hle nia sawiin, “Ringtu kan nihna hi dinhmun hlauhawm takah a awm mek a. Sakhaw pakhat, \awng pakhat, dan pakhat kalphung tih puitlin tumin BJP sawrkar in hma a la mek a ni,” a ti a. MNF in a thurualpui BJP kaihhruai sawrkar chu khawvel sawrkarah ramchhung ei leh bar dinhmun tlahniam chak ber a ni mek tih pawh sawiin, Ramin harsatna a tawh apiangin Congress party chu a chhanchhuak turin Pathian in a sawrkar tir leh \hin  tih a sawi a. “Kan sawrkar leh loh chuan he ram hian Malsawmna a dawng thei dawn lova. Tunah chuan Central BJP sawrkar tlawn tum te an sawrkar mek a ni a. District 3 siam thar chhunga mipuite kan lawmpui hle; mahse, inkhualtelem ang leka kalpui chi a ni lo tih i hria ang u,” a ti bawk.

Comments

Popular News (Last 30 Days)