FMD hri venna pek beihpuithlak hawnna nei

Nimin khan Lungkawlh VC Hall-ah India Prime Minister in a tlangzarh thar, National Animal Disease Control Programme for Foot and Mouth Diseases (FMD) and Brucellosis; Nationwide Artificial Insemination (AI) Programm leh Swachte Hi Sewa programme hmangin ran hri danna pek nghal an ni.

KVK North Vanlai-phai leh AH&Vety Department \angkawp in an buatsaih he Programme hi KVK North Van-laiphai-a Sr. Scientist & Head, Dr. T. Vanlal-ngurzauva chuan kaihruaiin North Vanlaiphai SDO (Civil), Dorothy Muansangi chuan khual-lian niin a hmanpui a, khuallian chuan ranvulhtu ten ran hrisel an vulh theihna atana hmalakna lo awm thar chu lawmawm a tih thu sawiin, Ranpui phei chu pakhat man pawh a sang tham a, chhung-kaw sum lakluh a tipung dawrh thei a ni, a ti a. N. Vanlaiphai KVK ten Lungkawlh khua, Sial leh ranpui vulh nasa khuaah hetiang hun an buat-saih chu an fakawm hle a hriat thu sawiin, ran-vulhtute chu KVK leh Vety mithiamte rawn a, an thiamna chhawr \angkai tum turin a chah bawk.

He hunah hian Dr. C. Lalnunpuia, VO North Vanlaiphai chu Resource Person atan hman niin ran hri danna (Vaccine) pek pawimawh zia a zirtir a, hemi kaihhnawiha AH&Vety Department in Foot & Mouth Disease Vaccine pek hna an kalpui mek chungchang a sawifiah bawk. Hemi hnu hian Lungkawlh khuaa Sial vulhlai te chu FMD Vaccine pek nghal an ni bawk.