State Planning Board \hutkhawm neih a ni

Mizoram State Planning Board chuan nimin khan an Chairman Chief Minister, Zoramthanga hovin Chief Minister Conference Hall-ah thu pawimawh relin an \hukhawm.

Nimin-a Mizoram State Planning Board \hutkhawm ah hian August ni 8, 2019 a State Planning Board sawrkarin a din thar hnu a hma lo lak tawhna te tarlan niin Planning Department kaltlanga hna thawk Department hrang hrang zinga pariat (8) chu Board in a lo kawm tawh thu te sawi a ni a. Project kallai mek zingah chhan hrang hrang vanga a hun taka thawh zawh loh, Delayed Projects awm tam lutuk chuan project thar dil kawngah harsatna a siam \hin thu sawiin, nimin-a Meeting chuan hmalak zelna turah Delayed Project a awm tawh loh nan leh uluk zawka thawh a nih theih nan invil kawnga hmala turin thutlukna a siam a. Monitoring and Vigilance lama hma la tur Committee din tum a ni. Hemi hian Department hrang hrang hmalakna, an tum inang reng si mahse project hrang daih a hna thawh (duplicity of works) awm thei te veng in, \ul lova sum leh tha senral a veng dawn a ni.