E. Roll-a mahni nihna tarlan enfiah leh siam\hat nan Serchhip District-ah EVP hawnna neih a ni

Mizoram-a Electoral Roll ennawn hna thawhna tur bul\anna turah Vote nei thei ten Electoral Roll-a an nihna tarlan a dik leh dikloh an enfiahna tur, Electoral Verification Programme (EVP) chu nimin Serchhip-a District Election Officer, Sangchhin Chinzah hova hawn niin hemi chungchang thuthar thehdarhtute hrilhhriatna pawh neih nghal a ni.

Serchhip District Bawrhsap, Sangchhin Chinzah Pisa-a EVP hawnna leh hemi chungchang inhrilhfiahna hunah hian District Election Officer chuan democracy lungphum pawimawh, khua leh tui dik tak ten kokim taka ram roreltute an thlan theih nan Election Commission of India chuan Electoral Roll a buatsaiha, kumtin Summary Revision neiin siam \hat ngai leh tihdanglam ngaite khawih \hin a nih thu sawiin, chumi atana hmalakna kal zelah chuan ECI in Electors Verification Programme (EVP) rawn duang tharin Electors Verification Programme (EVP) in a tum ber chu Electoral Roll dik leh fel fai neih a nih thu leh Electoral Roll a hming chuang voters ten an Electoral details a dik ngei ern tih an finfiah theihna turin tunlai IT thiamna hman \angkaina tur chi hrang hrang siam a nih thu a sawi bawk.

District Election Officer chuan he ruahmanna ah hian mipui ten an hman mai theih turin National Voters Service Portal (NVSP) ruahman a nih thu sawiin, NVSP.in ah lutin mahni ID Card No. hmangin log in a, chuta \anga mahni Electoral details a dik em tih finfiah leh diklo lai a awm chuan Form a kentel hmangin a siam\hat dilna chhutluh mai tur a nih thu a sawi a. Hetah hian dilna thehluh a dik ngei tih finfiahna atan Driving License, Aadhaar Card, Ration Card, Identity Card (for Govt./Semi-Govt. Officials), Bank Passbooks, Farmer's Identity Card, PAN Card, Smart Card (issued by RGI) leh Water/Electricity/Telephone/Gas connection bill pekna hnuhnung ber zingah a engemaw ber thiltel a ngaih thu a sawi bawk.

Hei bakah hian mipuite tan hian Voter Helpline pawh siam niin Voter Helpline application hi mahni phone-ah download in mahni Phone number hmangin in register-a log in leh tur a ni a. Chumi hnuah dashboard-ah lutin mahni EPIC number chhulutin Elector details a dik leh dik loh en in a diklo a awm a nih chuan a dikloh dan a zirin Forms-ah a tihdikna siam tura dilna thehluh mai tur a nih thu a sawi bawk.

District Election Officer chuan BLO te tan BLOApps ruahman a nih thu leh Polling Station tina BLO te hian anmahni huamchhunga Voter te an awmna ah kalchilhin an details a dik em tih finfiahin, a diklo te hi forms an fill-up sak hnuah document pawimawh pakhat chu upload lehin siam\hat theih a nih thu a sawi a, Voters te awmna hmun (Geo-Tagging) tih nghal tur a nih thu a sawi.

Election Commission of India ruahmanna siam angin kumin hian Common Service Centre (CSC) te hman \angkai tum niin Serchhip District chhungah hian CSC 14 an awm mek a, CSC te hmang \angkai tur hian CEO Mizoram leh CSC E-Governance Services India Ltd., Mizo-ram chuan August 19, 2019 khan thawhhona ziakin he Elector Verification Programme neih chhung hian CSC ten anmahni pantu voter te chu an lo pui thei dawn a, sum erawh bithliah sa ang an chawi a ngai dawn a ni.

Hei bakah hian DEO chuan District Capital pawnlam-a ERO leh AERO Office-ah te pawh Voter Facilitation Centre siam a nih thu sawiin, EVP hi hawn a nih a\anga Sept. 30, 2019 thleng kalpui tur a nih thu a sawi bawk.

He hunah hian Election Officer, Vanlalhmachhuana pawhin thusawiin, EVP kalpui tura Election Branch lam inbuatsaih tawhna te, Special Summary Revision pawh kan hma maiah kalpui \an a ni leh tur thute leh EVP chu mipuite awlsamna nasa tak thlen theitu a nih avanga mipuiten hre zauvin hman \angkai nachang hria se a duh thu te a tarlang a ni.