Hmasawnna atana ruahmanna a duanin khawvel sik leh sa ti danglam thei zawnga hmalak loh a ngai - CM

Chief Minister, Zoramthanga chuan sawrkar in hmasawnna atana ruahmanna a duanin khawvel sik leh sa ti danglam thei zawnga hmalak loh a ngai a ni, a ti.

Zirtawpni kaltaa Assembly Annex Conference Hall-ah Climate Change Adaptation chungchanga inrawnkhawmna leh sawi-hona hun Dan siamtu (Legislator) te tana buatsaih a hmanpuina ah he thu hi sawiin Chief Minister, Zoramthanga chuan khawvel pum huapa mihringin hmasawn tuma a kal zelnaah sik leh sa inthlak dan tur pangngai aia nasa in boruak inthlakin, mihring nunphungah nghawng \halo zawk a thlen chhoh zel thu a sawi a. Hei hi sawrkar ang zawng pawhin hmasawnna tur ruahmanna hrang hrang duanna ah ngaihpawimawh tel a \ul thu te, sik leh sa inthlak danglam tur belhchhah leh boruak tichhe zual thei tur hmalakna laka fihlim tum chu pawimawh a tih thu a sawi bawk.

Assembly Speaker, Dy. Speaker, Minister te leh MLA bakah AMC Councillor te leh sawrkara hotu pawimawh te telna he hunah hian a thlengtu Speaker, Lalrinliana Sailo chuan sik leh sa inthlak nasa in tunhnaia mihring nunphung a nghawng chhoh zel dan thlir reng chungin Mizoram chuan National Action Plan on Climate Change (NAPCC) zulzuiin State Action Plan on Climate Change (SAPCC) a buatsaih thu leh sawrkar hmalakna pui SEDP hnuaiah SAPCC thiltum te hi telh a nih thu te a sawi bawk. He hunah hian Forest Minister, TJ. Lalnuntluanga pawhin Mizoram sawrkarin sik leh sa inthlak in kawng hrang hranga ram a nghawng theihna tura insiamrem tura hma a lak dan hrang hrang te sawiin, State Action Plan on Climate Change kalpui a nih dan tur a sawi a. He Action Plan hnuaiah hian- Agriculture, Sustainable Himalayan Mission, Green Mission, Sustainable Habitat, Health, Solar Mission and Renewable Energy Sector, Energy Efficiency, Water leh Strategic Knowledge Mission ah te hian hmalak tum a ni, a ti bawk. 

Sik leh sa inthlak danglam avangin kum 2015 a\anga 2017 chhung khan Mizoram pum Forest Cover, ramhnuai zau zawng chu Sq. KM 562 in a tlahniam a. Natna hrang hrang – Malaria, Dengue, Bird Flu leh a dangte chu a hmaa a awmlohna ah te pawh khua a lo lum zel avangin a lo awm theih phah a. Sik leh sa inthlak chu kan tawn ngei ngei tur leh pumpelh theih thil a nih loh avangin tu leh fa ten min dem loh a, a \ha thei ang bera kan hmachhawn dan tur ruahman a pawimawh thu he intawhkhawmah hian sawiho niin, mitin te inzirtir a inhrilhhriat uar a \ul thu sawi a ni a. Sawkar policy hrang hrangah sik leh sa inthlak hi pai tel reng a pawimawh thu te, thing phun uar leh ruahtui khawl te, lo leh huan siam dan kalphung \ha zawk kalpui leh Organic Farming kalpui te bakah Research lama \an lak a pawimawh thu te sawi bawk.