Ruihhlo do dan tur sawihona neih a ni

Excise & Narcotics Minister, Dr. K. Beichhua hovin nimin khan a Pisa-ah Excise & Narcotics Department Officer te leh Central YMA hruaitu ten Mizorama ruihhlo hluar zel dolet dan tur an sawiho.

He sawihona hunah hian Excise Minister chuan ruihhlo in Mizoram a tuam chhuak hneh hle-a a hriat thu leh thingtlang kilkhawr ber ni a an hriat thleng a ruihhlo in a luhchhuah tawh thu a sawi a, kan hriatthiam bak a nasa in ruihhlo hian kan \halaite a run mek tih sawiin, engtin nge tun aia awmze nei zawka ruihhlo kan beih let ang tih hi ngaihtuah nasat a \ul thu a sawi.

Excise Department hotute sawi danin Mizoram Lawngtlai, Saitual, Khawzawl leh Hnahthial tiamlohin District dang zawng zawngah Excise & Narcotics Department in Office neiin tun dinhmunah thawktu mi 441 an awm a, hna ruak hnawhkhah loh 118 a awm bawk a, mi 441 a\ang hian Office Staff leh Driver etc. atan mi engemawzat pawh pen an ni a. Tunah hian Excise Constable engemawzat la tura inbuatsaih mek niin hei hian an harsatna a chhawk theih an beisei thu leh Constable 50 dang lak belh tura sawrkarah dilna an thlen mek thu tarlan a ni bawk.

Kumin January a\anga August ni 15 thleng khan Excise Department hian ND&PS Act, 1985 hnuaiah mi 618 manin thubuai 470 an ziaklut a. Heroin kg 7.235 leh Ganja kg 97.532 manin Methamphetamine mum 902424 (kg 99.27) leh Alprazolam mum 2114 an man bawk.