Bru raltlan lalet turin inbuatsaihna kalpui mek zel

Nimin khan Kolasib-ah Bru raltlan laklet hna thawh tura inbuat-saihna kal mek thlirin sawrkar mi pawimawh te an \hukhawm a, he hun hi Addl. Home Secretary, Lalbiaksangi chuan a hmanpui.
Kolasib District-a Bru rawn let tur hi chhungkaw 688 niin member/mihring 4225 an ni a, Bus leh 407/LPK 30 ve ve hmanga hruai tur niin Kolasib District-a khaw 10 ah dah an ni ang. He Meeting-ah hian Bru ho letna tur khua a AO leh VCP te chuan an hmalakna tawh na leh harsatna tawh dan hrang hrangte sawiin, Bru ho rawn kir huna an awm lailawk na tur Temporary Shelter, Staging Area, Tui leh kawlphetha bakah ei leh bar tur chungchangah Vawiin a\ang hian hma lak nghal nise an ti bawk.
Nimin vek khan Lunglei-ah pawh Tripura Bru Relief Camp a\anga Lunglei District-a Bru chhungkaw 364 hruai kir tura inpuahchahna kal mek thlirho turin District Level Core Committee an \hukhawm a. Lunglei District ah hian Bru chhungkaw 364 an zavaiin mi 2051 hruaikir tur niin heng chhungkaw 364 te hi Lunglei District chhunga khaw pali- Putlungasih-ah chhungkaw 121, Chawilung S-ah chhungkaw 43, Dinthar-ah chhungkaw 187 leh Buknuam-ah chhungkaw 13 ah hruaikir an ni dawn a, heng khua ah hian House Site Plan mumal tak an siam sak tawh a ni.

Comments

Popular posts from this blog

PAN CARD an tih teh fo hi - Laldinpuia