Health Minister in Aizawl Civil Hospital a tlawh thut

Health & Family Welfare Minister, Dr. R. Lalthangliana chuan hrilhlawk lovin Inrinni khan Aizawl Civil Hospital Out-Patient Department (OPD) leh Blood Bank te a tlawh.
Aizawl Civil Hospital Out-Patient Department (OPD) a tlawhna ah hian Health Minister chuan hetianga a tlawh chhan hi tunhnaia sawrkar enkawl dam-dawi In hrang hranga OPD inentir hun leh inentir dan tur thupek a chhuah thar chu mipui ten an chhawr \angkai em tih a taka hriat a duh vang a nih thu sawiin, damdawi In OPD a duty te pawhin an hna an thawk \ha hlea a hriat thu leh mipuite pawhin an awlsam phah tih a mit ngeia a hmuhin OPD a duty Doctor, nurse leh thawktu zawng zawng chungah lawmthu a sawi a ni.
Health & Family Department chuan tunhnai khan thuchhuah siamin Sawrkar enkawl District Hospital zawng zawng bakah State Referral Hospital, Falkawn, Kulikawn Hospital leh Mizoram State Cancer Institute, Zemabawk ah te OPD hi thlatin Inrinni vawihnihna tih loh ah chuan hawn vek tawh tur a ni a, OPD card hi zing dar 9:00 atanga chawhnu dar 1:00 thleng lakchhuah theih a ni a. OPD card hi a hlui leh a thar registration number nei tawh reng reng chu hnawl (reject) phal a nilo a ni.
OPD a tlawh hnu hian Minister hian Ai-zawl Civil Hospital Blood Bank chipchiar takin a fang leh a, Blood Bank kaihhnawih department hrang hrang te pawh fangin hnathawh kalpui a nih dan a en bakah thawktute kawmin an har-satna te a ngaithla nghal a, Minister chuan Blood Bank a thawktute an fakawm a tih thu sawiin, indaihlo chung chung pawh a phunnawi lova an thawh \hin avangin lawmthu a hrilh bawk. Minister chuan thawktute indaihlohna pawh a hriat thu sawiin an indaihlohna phuhru turin hma lak mek a nih thu a sawi bawk.

Comments

Popular posts from this blog

PAN CARD an tih teh fo hi - Laldinpuia