Court-ah Hawla a inlan leh

Kum 2013 MLA inthlanpui neih dawna False Affidavit thehluta Chief Minister hlui, Lal Thanhawla puhna thubuai chu rel fel a ni dawn hnai niin a lang.
Kum 2013 MLA inthlanpui neih dawna Serchhip bial-a Candidate, Lal Thanhawla’n Affidavit diklo a thehlut nia Lal Hriatrenga Chhangte in a puh avanga January 17, 2018-a Serchhip District Court-ah thubuai thehluh hi ngaihtuah chhunzawm zel niin MPCC President leh Serchhip bialtu MLA hlui ni bawk, Lal Thanhawla hi Judicial Magistrate First Class, JH. Lalparmawii hmaah a inlan a. Lal Thanhawla chuan Kolkata-a a In neih, kum 2013 MLA inthlanpui neih dawna Affidavit-a a tarlan loh chhan chu khatih lai khan a ram a nihna tihchianna a la awm loh vang a ni tih sawiin, ram a neih dan pawh duhsak thila pek a nih thu a sawi. He thubuai hi tun thla ni 27 khian ngaihtuah leh tura tih niin October ni 1 emaw, ni 3-ah emaw thu-tlukna siam a ni tawh ang.

Comments

Popular posts from this blog

PAN CARD an tih teh fo hi - Laldinpuia