Chief Minister in Union Health Minister a kawm

/
Mizoram mamawh hrang hrang bawhzuia New Delhi-a cham mek Chief Minister, Zoramthanga chuan Zirtawpni khan Union Minister of Health and Family Welfare, Dr. Harsh Vardhan chu a pisa-ah a kawmin, hriselna lama Mizoram mamawh hrang hrang an sawidun.
He an inkawmna ah hian Chief Minister chuan kum khat-a upa Zoram Medical College tih changtlun chu sawrkarin a ngaipawimawh hle tih sawiin, Super-Speciality Hospital ni tura thuam \hat zel a \ul thu sawiin, hei hi a remchan loh pawhin Speciality Hospital-ni tura din chhoh zel a \ul thu leh Staff Quarters leh hmeichhia leh mipa tana Hostel changtlung tak din thuai a \ul thu a sawi a. Union Minister chuan hengte hi tunhnaia hawn tak Pradhan Mantri Swasthya Suraksha Yojana (PMSSY) hnuaiah tih theih a beiseiawm thu a sawi.
Chief Minister chuan District thar pathumte tan District Hospital din thuai a \ul thu pawh sawiin, hei hi Union Minister chuan National Health Mission (NHM) hnuaiah rawtna a hnena thlen thuai turin a hrilh bawk. Hei bakah hian Mizoram in Central Pool hnuaia MBBS quota kan neih \hin, tunhnaia tihtawp tak chu neih let leh dan awm se a duh thu Chief Minister chuan Union Minister hi a sawipui bawk a. Union Minister chuan khawi State pawhin ama puala Medical College a neih tawh chuan Central Pool hnuaia MBBS zirna quota chu tihtawp nghal a nih \hin avangin he harsatna hi India hmarchhak state \henkhat pawhin an tawh thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »