Bill pawm thuai turin hriattir

India hmarchhak State 7-a pawl hrang hrang kalkhawm North East Forum for Indigenous People (NEFIP) chuan Mizoram Larsap, Prof. Jagdish Mukhi chu Mizoram Household Registration Bill, 2019 pawm thuai turin a hriattir.

Ni 3 awh NEFIP inkhawmpui, Federal Assembly Aizawl-a neih ah hemi chungchang hi sawiho niin kumin March ni 18-a Mizoram Assembly-in a lo pawm tawh 'Mizoram Household Registration Bill, 2019' chu pawm thuai turin leh mipui thlan Assembly member-te kutthlakna zah turin Larsap chu an ngen a ni.

NEFIP hian India hmarchhak State sawrkar zawng zawngte chu Mizoram Assembly dan siam ang chi, tual\o hnamte humhalhna tur dan siam ve vek turin a ngen a. Assam a buaipui mek National Register of Citizens (NRC) ang chi chu hmarchhak State zawng zawnga hman ve a nih theihna atana State Assembly \heuhin dan siam ve turin a ngen bawk. He Pawl hi kumin January 27-a din a ni.