MNF Party in Mizoram pumah Martar te Ni an hmang

Zoram malsawmna kan chang za dawn - Chief Minister

MNF President leh Chief Minister, Zoramthanga chuan Martar te inpekna avang leh Pathian leh kan ram tan tih thuthlung vuan tlattute avangin Mizo Hnam meichher chu a alh zual zel tih sawiin, “Zoram malsawmna hi mitin te'n kan chang za vek dawn a ni,” a ti.
Martar te Ni puala inkhawm nimin a Aizawl Vanapa Hall-a neih a hmanpuina ah he thu hi sawiin Chief Minister, Zoramthanga chuan Mizo Hnam Movement chuan kawng hrang hrangin chhung lam leh pawn lam a\angin a tir a\angin beih a tawk nasa hle tih a sawi a. India pawhin a laka helte a beih nasat ber an ni tih sawiin, “Indo thlawhna nen min bei a, Armed Forces Special Power Act nen, khawkhawm nen min bei a. Suangtuah let peihawm loh khawpin min bei nasa a. Hei bakah hian Mizo Nationalism hmai kawra hmanga beihna pawh kan tawk nasa. Kan fel bik vang leh kan \hat bik vangte ni lovin 'Pathian leh kan ram tan' tih thuthlung vuan tlattu kan nihna chu Pathian in kan felnaah a ruat a, mak tak takin Hnam Movement ral tur lak a\angin Pathian in min chhanchhuak \hin a ni,” a ti a. “Pathian leh kan ram tan tih thuthlunga kan ngheh chhung chuan malsawmin kan awm zel ang,” a ti bawk.
MNF Vice President, Dr. R. Lalthangliana kaihhruai Aizawl Vanapa Hall-a he hun hman ah hian Chief Minister chuan, MNF sawrkar-in beih a tawk nasa dawn tih pawh sawiin, “Rua leh pawisa bak sawi tur hre lo angte in min puh a. A chang leh Dr. BD. Chakma Minister-a dah tur anga sawite a awm. Dr. BD. Chakma Minister-a dah tur anga sawite hi eptu lamin an sawi hi ka vawikhat hriat vena chauh a ni,” a ti a. SEDP-a hmalakna kal mekah Project siam thuai thuai a \ul thu pawh sawiin, “Ministry \henkhat chu kan inpeih hma hmain an inkau tawh hle a, project siam thuai thuaia fehpui vat a ngai a ni,” a ti bawk.
Martar te Ni hi September ni 20, 1979 a\ang khan hman \an a ni a, kumin a vawi 40-na niin he MNF Ni pawimawh hi MNF General Headquarters a\angin Team 16-ah in\henin a hmanpuitu tur an fehchhuak a, heng bakah hian MNF Unit leh Block leh Sub-Headquarters hrang hrangah he hun hi urhsun taka hman a ni a. MNF Vice President, R. Tlanghmingthanga chuan East Phaileng-ah he Ni hi hmanpuiin MNF Treasurer, Vanlalzawma chuan Mamit-ah a hmanpui bawk a. Home Minister Lalchamliana chuan Khawbel-ah he Ni hi hmanpuiin P&E Minister R. Lalzirliana chuan Saitual-ah a hmanpui bawk a. Supply Minister K. Lalrinliana chuan Ratu khua ah hmanpuiin Sports Minister Robert Romawia Royte chuan Thingsul Tlangnuam-ah a hmanpui a, heng bakah hian MLA ten hmun hrang hrangah an hmanpui bawk a ni.

Comments

Popular posts from this blog

PAN CARD an tih teh fo hi - Laldinpuia