Mizoram State Games neih ngei tuma hmalak mek a ni

Sports Minister, Robert Romawia Royte chuan Mizoram-a awm ngai lo, Mizoram State Games neih ngei tuma hmalak mek a nih thu a sawi.
Nimin a Aizawl Mizo Hnam Run-a MNF Chhung Inkhawm-a thu a sawina ah he thu hi sawiin Sports Minister chuan Sports lama sawr-kar hmalakna te a tarlang a, tunhnaia Congress Party-in Press Release siama Khawzawl Football Ground chu Congress hunlaia Central-in sum a sanction tawh nia an sawi chu thudiklo a nih thu sawiin, Central a\angin dere pawh Congress hunlaiin Khawzawl Field tan sanction a nih loh thu a sawi a.Tuna Khawzawl Football Ground siamna tur cheng nuai 700 chu Chief Minister leh Dy. Chief Minister-in Mizoram Sawrkar Budget atanga an ruahman a nih thu a sawi.
Sports Minister chuan Saitual leh Hnah-thial-a Phullem phahna tura siam\hat hnathawh pawh NEC Guidelines siam\hat avangin May 7, 2018 daih tawh khan NEC thupekin tihtawp lailawk a ni tih sawiin, rei tak tawp tawh chu sak chhunzawm a nih theihnan MNF sawrkar hlim te a\angin nawr a nih thu leh tunhnai August 21, 2019 Ministry of Youth Affairs & Sports chuan Vetting Order a tihchhuah tak thu a sawi a. “Hetiang a nih avang hian MNF Sawrkar thar chuan District thar 3-ah leh hmun dang engemaw zatah Football Ground \ha kan siam dawn,” tiin Mizoram-a awm ngai lo Mizoram State Games neih ngei tuma hmalak mek a nih thu a sawi a. Hei bakah hian Zoram pawna 'Zofate Kut' hmanna \anpui nan cheng nuai 100 dah a nih thu leh a Department-ah sum a tam loh avangin sum zawn kawngah nasa takin Central lamah tha a thawh tih a sawi bawk.
Nimin a MNF Chhung Inkhawm ah hian tunhnaia Local Council Member thlan thar te lawmpuina hlan nghal an ni bawk.

Comments

Popular posts from this blog

PAN CARD an tih teh fo hi - Laldinpuia