Latest News

Serchhip DIET zirlai ten National Nutrition Month denchhenin TLM siam-a inelna an nei

Rastriya Poshan Maah (National Nutrition month) hman mek pualin nimin khan Serchhip DIET-a zirlaite pualin Teaching Learning Material (TLM) siam-a inelna buatsaih a ni a, he inelna hi Serchhip DIET Principal, Lalrammawia chuan a hmanpui a ni.
Serchhip DIET Multipurpose Hall-a Teaching Learning Material (TLM) Competition hawnna ah hian Serchhip DIET Principal, Lalrammawia chuan sawrkar in mipuite tan kawng hrang hranga hma a lak thu sawiin, heng hmalakna te hi tunhma lamah chuan Department ten anmahni hma zawn ah \heuh bawhzui \hin mah se tunah chuan Department ten a huho (Convergence)-a thawkin hmalak chhoh a nih tawh thu a sawi a. Mihring piang reng reng a \ha thei ang bera an \han chhoh chu Education in a tum bul a nih thu sawiin, nau lo piang tur chu nu in a pai lai a\anga a mamawh te enfiaha a mamawh pek chu puitling tak leh a nih tur anga mihring lo \hanchhohna tura pawimawh a nih thu a sawi a. Mizo ten chawh\ha ei-a inenkawlna ah hmabak kan la ngah thu sawiin, dinhmun harsatna avanga eitur \ha ei theilo kan la awm laiin a tam ber te erawh chuan a pawimawhna kan la hriat loh avang leh nachang kan hriat loh avanga eitur \ha leh kan taksa mamawh kan ei lo \hin nia  a lan thu pawh sawiin, hei vang hian Nutrition Month kan hman ah hian eitur \ha ei pawimawh zia kan hriat a pawimawh thu a sawi bawk.
Serchhip DIET-a Faculty, Lalmuanpuii kaihhruai he hunah hian Serchhip ICDS Project-a CDPO, Lalbiakliana chuan kalkhawmte inlawmna thu sawiin, he hun buatsaih chhan te a sawi a. India ram chu ram changkang inti ve \hin mah ila kan taksa in a mamawh ang eitur \ha erawh kan ei phaklo nasa hle tih sawiin, hei vang hian sawrkar laipui chuan India ram chawikanna atan nasa taka hma a lak thu a sawi a. Kum 2018 a\angin National Nutrition Mission kalpui a nih thu leh September thla chu National Nutrition Month atan hmangin, hemi chhung hian kawng hrang hrangah hma an lak thu a sawi a. A kaihhruaina hnuaiah hian National Nutrition Month puala thutiam chu he huna tel te hian an chhamrual nghal bawk a ni.
Nimin a Teaching Learning Material (TLM) inelna hi Anganwadi Worker ten sum tlem zawk senga naupang te an zirtirna tur hmanrua siamchhuahna tura buatsaih niin he hunah hian DIET Serchhip-a zirlaite chu pawl hrang hrangah in\henin Group hrang hrangte chuan thupui thlan bik hmangin naupangte zirtirna tur leh naupangte lawmzawng tur thil chi hrang hrang an siam a. Heng te hi endikna neih a nih hnuah a ti\hate hnenah lawmman sem a ni bawk.

Comments

Popular News (Last 30 Days)