African Swine Fever laka him theih nan hma la zel

AH&Vety Department chuan Vawk natna chi khat, African Swine Fever laka kan ram a him theihna tura hmalakna chikhat atan nimin khan Aizawl-ah Sensitization Workshop on African Swine Fever an buatsaih.
He hun hi AH&Vety Minister, Dr. K. Beichhua chuan hmanpuiin African Swine Fever, vawk natna chu vaccine awmlo leh darh chak em em, ram economy pawh nasa taka nghawng chhe thei a ni tih sawiin, kan ram \henawm ah vawk vulhtute tan harsatna a thlen mek thu leh kan ramah a lo luh ve loh nan AH & Vety Department mai lo, sawrkar Department dang leh NGO bakah mipuite kan thawhho \hat hle a ngai tih a sawi a. African Swine Fever chuan Mizoram chauh ni lovin India ram puma Vawk vulhtute tan pawh harsatna a thlen theih dawn avangin Union Minister of Animal Husbandry, Dairying and Fisheries, Giriraj Singh pawh he harsatna chungchang hi lo sawipui tawh thu leh a zirchiang tur an lo kal tur thu a sawi bawk.
He hunah hian kumin hian Mizoram-ah PRRS Report ala awm loh thu tarlan niin kum 2013, 2016 leh 2018-ah te PRRS avang hian Mizoram-ah vawk tam tak a thih tawh thu leh kumin ah erawh chu he hri hi Mizoram-ah a len loh nan AH&Vety Department chuan theihtawp chhuahin ramdang a\anga Vawk lakluh te District Administrator te nena \angrualin khap a nih thu tarlan a ni a. PRRS aia enkawl hautak zawk vawk natna, African Swine Fever chu Myan-mar-ah a leng tih hmuhchhuah a nih tawh thu leh Myanmar leh Mizoram chuan ramri in\awm thui tak a neih bawk avangin fimkhur a \ul thu te tarlan a ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia