Vakiria neitute hnenah 'Devi Awards' hlan a ni

The New Indian Express-in hmeichhe hlawh-tlingte hnena chawimawina an pek thin, 'Devi Awards' chu Inrinni zan khan Kolkata-a ITC Royal Bengal Hotel-ah sem a ni a, Mizoram a\angin Vakiria dawr neitute - Laldinsangi, Lalsangzeli leh Lalrinpuii te hnenah he Award hi hlan a ni.
Tun \umah hian Mizoram a\anga he lawmman dawng hmasa ber Vakiria neitute leh India rama hmeichhe dang pariat te hnenah hlan a ni a, Union Minister Smriti Irani-in a hlan a ni. Devi Awards hi vawi 17 an semna niin, he Award hi mahni kalna kawnga hmeichhe hlawhtling leh midangte nuna danglamna thlentute hnenah hlan \hin a ni a, India ram khawpui hrang hrangah \hin niin a \umkhatna atan Kolkata-ah sem a ni.
Vakiria hi kum 2005 khanunau pathum Laldinsangi, Lalsangzeli leh Lalrinpuii-te din a ni a, an pathum hian Aizawl Venglai-a cheng niin a tirah chuan embroidery khawl pakhata bul \anin Computerised Embroidery tih hming puin an dawr hmasa ber an hawng a. Dawr hming hi Vakiria tiin an thlak a, Fashion lam zirna Vakiria Institute of Fashion Technology (VIFT) ni zui ta chu kum 2009 khan bul ab \an bawk a. Tunah hian hmun hrang hrangah dawr neiin hmeichhe thawmhnaw chi hrang hrang an \huiin an zuar a, mipa thawmhnaw dawr an siam bakah School Uniform leh Sports wear lamah hma la tharin hnathawktu 120 chuang an nei a ni.
Devi Awards dawngtu dangte chu -Indian classical dancer lar Alokananda Roy; Social entrepreneur leh environmentalist Ekta Jaju; Filmmaker Pritha Chakraborty; Fashion lama kawng thar sialtu Sujata Chatterjee; Entrepreneur leh Fashion Visionary Madhu Neotia; Environmental activist Temsutula Imsong; Educator and Social Entrepreneur Parmita Sarma leh Lifestyle Entrepreneur Ritu Agarwal-te an ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia