Mizoram leh Assam ramri-a Police Check Post-ah uluk lehzuala duty dah tura hriattir an ni

Assam in National Register of Citizen (NRC) Final List a tihchhuah hnuah Home Minister, Lalchamliana chuan Mizoram leh Assam ramri Police Check Post-ah tun aia uluk lehzual a duty tur leh a \ul a nih chuan Police dah belh a nih theih nan hma turin Mizoram Chief Secretary chu a hriattir.

Assam in National Register of Citizen (NRC) Final List a tihchhuah hnuah Inrinni tlai khan MZP General Hqrs. hruaitute chuan Home Minister, Lalchamliana hi a chenna In-ah kawmin Assam Sawrkar in National Register of Citizen (NRC) Final List a tihchhuah avangin Mizoram ah hnamdang \hahnem tak an lo lut ngei dawn nia an hriat thu leh sawrkar chu a lo inven a \ul nia an hriat thu te an thlen a. Home Minister chuan Chief Secretary, Lalnunmawia Chuaungo chu be nghalin, Mizoram leh Assam ramri-a Police Check Post ah tun aia uluk lehzual a Duty tur leh a\ul a nih chuan Police dah belh a nih theih nan hma lo la turin a hrilh nghal a, ILP dil thar Assam a\anga lo kal an awm pawhin Assam NRC nei lo chu ILP emaw, Temporary Permit pawh pechhuak tawh lo turin District tina ILP lam khawihtute lo hriattir turin a hrilh nghal a. Assam leh Mizoram inrina laiah Police Check Post hrang hrang tih changtlun an tum mek thu leh, hemi tur hian Sawrkar in chak takin hma a lak thu a sawi a. “ILP check apiangin Assam NRC hi demand tel ziah a ni tawh dawn a, Mizoram Sawrkar chu hemi lakah hian uluk taka lo inveng turin a inbuatsaih mek a ni,” a ti bawk.

MZP hian Home Minister hnenah hian tunhnai a Tripura ICFAI University-a Bengali leh Tribal zirlaite inkara buaina awm chungchanga Mizo zirlaite harsatna leh manganna pawh thlenin Home Minister chuan he thil thleng hi alo hriat tawh thu leh Mizo Police Officer te pawhin zirlaite an biak tawh thu leh a \ul chuan Mizo Police Officer te chu Mizo zirlaite la chhuak tura kal tura a lo tih tawh thu a sawi bawk.

He hunah hian Mizoram leh Assam ramri chungchang pawh MZP te hian sawiin, Home Minister, Lalchamliana chuan Mizoram Sawrkar in theihtawp chhuaha hma a lak zel tur thu a sawi a. “Mizoram-Assam ramri chungchang ngaihtuah tu tur, Core Committee in ngun takin a ngaihtuah zel dawn a, hemi chungchang ah hian theihtawp kan chhuah zel dawn a ni,” a ti bawk.