Tripura Relief Camp-a Bru awmte laklet \um 9-na Oct. 1, 2019-ah thawh \an tura ruahman a ni

Ministry of Home Affairs chuan thla thar, October ni 1 a\angin Tripura Camp-a awm Bru laklet hna chu thawh \an leh turin a rel a, tun \umah hian Tripura Relief Camp 6-a awm Bru chhungkaw 4,447-te laklet tum niin hei hi Mizoram a Bru laklet hna hnuhnung ber a nih tur thu Ministry of Home Affairs thuneitute chuan an sawi bawk.

Zirtawpni khan Ministry of Home Affairs Pisa, New Delhi-ah Joint Monitoring Group Meeting vawi 5-na chu Special Secretary, Dr. AP. Maheswari kaihhruaina hnuaiah \hukhawmin Bru laklet chungchang hi an sawiho a, Tripura Camp-a Bru awm te laklet hna hi September thla hian neih tum ni mahse enfiah hnathawh ngai leh \ul dangte avangin thla thar October a\anga laklet hna hi \an turin a rel leh ta zawk a ni. Home Secretary, Lalbiakzama sawi danin he \hutkhawm hian Mizoram sawrkarin Bru lakletna hna thawhna senso atana cheng vbc. 350 chuang a ruahman chu a thuphunga pawm a ni a. He senso tur ruahman ah hian Bru laklet hnu-a chhungtin tana cheng nuai 4 \heuh chhungkaw hotu Bank Account a thun turte, In sakna atana chhungtin Rs. 150,000/- pek turte, kum 2 chhung chhungkaw tin hnena Rs. 5000/- pek tur leh a thlawna Ration pekna tur sum ruahmanna te a tel a. Relief camp a\anga Mizoram an rawn kalna tur lirthei ngaihtuahsak pawh Tripura sawrkar kut ah dah lovin Mizoram sawrkarin a buaipui vek dawn a ni.

Joint Monitoring Group \hutkhawm ah hian Ministry of Home Affairs hotu lawkte bakah Mizoram leh Tripura-a Home Department hotute, Mizoram Bru Displaced People's Forum (MBDPF) General Secretary, Bruno Msha leh Bru tlawmngai pawl aiawh 2, NGO Coordination Committee Chairman, Vanlalruata leh Mizorama Bru lokir tawhte aiawh Bru Coordination Committee hruaitu, Elvis Chorkhy te an tel a. Central YMA President, Vanlalruata chuan Mizo mipuiten Tripura Camp-a Bru awm laklet chungchangah kum tam tak an lo ngaihchan tawh \hin thu leh Mizo mipui dawhtheihna in a tlin loh a hlauhthawn thu leh Mizoram NGO leh Sawrkar lo inbiakremna angin a tawp nan kumin chhung ngeia Tripura Camp a\anga Bru te hi laletin, lokir duhlo te chu ngaihsak zui tawh lo nise tiin meeting ah hian a sawi a, Ministry of Home Affairs thuneitute pawhin tun \um bak chu laklet hna hi thawh an tum loh thu sawi nawn lehin, Mizoram Bru Displaced People's Forum hotute chu Mizoram a kir hmasa ni turin an ngen a, October ni 1 a\ang chuan Tripura-a Bru Camp te \anpuina zawng zawng chu tihtawp a nih tawh tur thu an sawi bawk a ni.