Rilru lama harsatna neite enkawlna tur, Mental Health Hospital din dan tur ngaihtuah a \ul - Health Minister

 Inrinni khan Thlauk sawng natna tia hriat, Alzheimer natna pualin World Alzheimer's Day hman a ni a, he hun hi Health Minister Dr. R. Lalthangliana chuan hmanpuii nrilru lama harsatna neite enkawlna tur bik, Mental Health Hospital din dan tur ngaihtuah a tul a tih thu a sawi.

Alzheimer's & Related Disorders Society of India (ARDSI) Mizoram Chapter leh National Mental Health Programme (NMHP) \angkawp buatsaiha Chanmari YMA Hall-a World Alzheimer's Day puala inkhawm ah hian Health Minister chuan khawvel hmasawnna a \hang zel a, kan zinga natna awm reng \hin, kan hriatchian loh vanga enkawl ngaihna kan hriatloh leh kan hmelhriatlohte pawh a nihna tak kan hrechiang thei tawh tih sawiin, hriatthiamna nen awmze nei zawkin kan inenkawl thei ta tih a sawi a. Natna chi hrang hrang vei zingah Thluak sawng natna, Alzheimer's veitute chu enkawl a hautak bik em em tih sawiin, “An natna an inhre silo a, kum upa lam an ni tawh bawk tlangpui nen, duat leh hmangaih taka dawhthei taka enkawl an ngai \hin a, an natna hmuhchhuah leh anmahni enkawl dan tur inzirtirna hi uar lehzuala neih a \ul a, mi tam takin he natna hi kan la hriatthiamloh avangin natna dang emaw tih vangin buaina namenlo kan tawk \hin a ni,” a ti. 
Health Minister chuan Mizoram-ah Mental Health Hospital \ha tak a hranpa liau liau a kan neih a \ul tih pawh sawiin, “Hawizau deuh hlek a hetiang Hospital din dan tur hi bengsika kan ngaihtuah a ngai a ni,” a ti a. ARDSI:Mizoram Chapter hmalakna leh Alzheimer's natna veitute enkawl kawnga hmalakna \anpuina atan cheng nuai khat a thawh tur thu pawh he hunah hian a sawi bawk.
Alzheimer's natna hi Mizo \awng chuan 'Thluak sawng natna' tih a ni a, Thluak a chhiat zel avanga ngaihtuahna mangna bakah, hriat-rengna, nungchang leh nihna thlenga hloh a hniam lam pantir zeltu natna a ni. Tihdam har tak la ni rih mah se, enkawl, tihmuan leh tihhahdam theih a ni. A anpui Thluak natna dang a tam avangin Alzheimer's Disease a ni ngei em tih finfiah tur leh enkawl dan tur hre tura Doctor leh mithiamte rawn a pawimawh thu ARDSI hotuten an sawi a ni. Chhinchhiah danin nikum chhung khan Mizo-ram-ah he natna avanga thi mi 7 an awm a ni.
Alzheimer's & Related Disorders Society of India (ARDSI ) hi India rama Alzheimer's leh an anpui natna ngaihventu pawl lian zawkte nena inthlunzawm a ni a, September ni 21, 2015 khan ARDSI Mizoram Chapter hi Aizawl-ah din a ni a. ARDSI pawlin a tum chu Alzheimer's natna veitute ngaihven leh a enkawltute kaih-hruai, zirtir, inhriatpawhtir leh khawtlanga inthlahrung lova awmtir a ni.
World Alzheimer's Day (September ni 21) pual hian hriatrengna kawngzawh (Memory Walk) buatsaih \hin niin, natna leh enkawlna chungchang sawihona leh inzirtirna a buatsaih \hin bawk. Social Media hmanga inkawmna Group siamin, Electric Veng, Aizawl-ah Office-cum-Counselling Centre an nei bawk a ni.
ARDSI Mizoram Chapter-ah hian a duh apiang tan member nih theih a ni a, Annual Membership fee Rs. 100/- leh Life Membership Fee Rs. 1000/- niin Member ni tur hian Alzheimer's natna vei chhungkua ami nih kher a ngai lova, Alzheimer's leh a anpui natna avanga harsatna tawktu leh ngaihventu apiangte tan member nih theih a ni.
Mizoram sawrkara Health & Family Welfare Department hnuaia National Mental Health Programme chuan kum 2018 a\angin ARDSI Mizoram Chapter hi hmangin Helpline Counsellor a ruai a, Alzheimer's bakah, rilru lama harsatna neite leh an chhungte tan Helpline Counsellor-te heng mobile phone number - 9366181946/9366191341/9366193094 ah te biakpawh theih reng a ni.

Comments

Popular posts from this blog

PAN CARD an tih teh fo hi - Laldinpuia