Latest News

Deputy Chief Minister in National Generic Document Registration System a tlangzarh

Mizoram Deputy Chief Minister, Tawnluia chuan nimin khan State Guest House, Chaltlang-ah National Generic Document Registration System chu a tlangzarh.
National Generic Document Registration System tlangzarhna hunah hian Deputy Chief Minister chuan Sawrkar dawrna kawnga harsatna hrang hrang awm thei tih sawiin, hei vang hian mipuite pawhin harsatna an tawh fo thu a sawi a. National Generic Document Registration System hmanga mahni inlum a\anga kan document mamawh tihfel zung zung a theih dawn ta chu lawmawm a tih thu sawiin, hei hian sawrkar langtlang leh \ha siam kawngah nasa takin a puih ngei a beisei thu leh NGDRS hman theih a buatsaihtute chungah lawm thu a sawi bawk.
He hunah hian Revenue Minister, Lalruatkima pawhin thu sawiin In hmun leh ramri chungchang buaina hrang hrang kan tawh \hin te hi NGDRS hian a chinfel phah ngei a rin thu a sawi a, document registration mai bakah Land record felfai tak kan neih theih phah ngei a beisei thu sawiin, “Socio-Economic Development Policy sawrkar flagship programme-a kan hmalakna tur hrang hrangah pawh NGDRS hi hmanraw \angkai tak tur a ni bawk dawn a ni,” a ti bawk.
Sawrkar laipui-a Secretary, Ruolkhumlien Buhril, IAS pawhin he hunah hian thu sawiin Mizoram chu NGDRS hmang hmasa te zingah an tel thu sawiin, India ram pumah 6-na niin India hmarchhak State ah 2-na anih thu a tarlang a. India ram puma registration software pakhat hman anih chuan sawrkar tan ruahmanna leh hmalakna hrang hrangah a pui hle dawn tih sawiin, India-a State 23 te chuan za zela 90 Land Record an computerised tawh a, State 22 te chuan za zela 90 Computerised registration an ti tawh bawk a ni, a ti a, Mizoram-ah pawh Computerised Registration chu uar zawka kalpui tur a nih thu leh sawrkar hnathawhna kawng hrang hrangah a felfaiin a awlsam phah dawn thu a sawi bawk.
NGDRS hi Aizawl District-ah kalpui \an a ni dawn a, Ram inlei, inpek, Bank-a dahkham, document registration etc., ti tur ten Settlement Officer/Asst.Settlement Officer (Sub-District Registrar) hnenah kal hmasa lovin, mahni In a\angin online-in an document-te submit tawh tur a ni a, http://igrmizoram.nic.in ah lutin, citizen login ah lut lehin document registration tur te hi upload mai tur a ni. Upload hunah hian Settlement Officer/Sub-District Registrat hnena inlan hun tur Ni leh darkar zat te mipuiin duhthlangin, duhthlan fel hnuah SMS in Settlement Officer hnena inlan hunah hian ram neitu thar leh hralhtute, LSC mortgage tute, Document dang registration titute leh midang te chi an inlan ngei a ngai anga, fingerprint leh thla lak vek tur a ni tawh ang.

Comments

Popular News (Last 30 Days)