Hawla’n Party mipuite kawm

MPCC President, Lal Thanhawla chuan nimin chawhnu lam khan Serchhip-a an Party Workers te kawmin, sawrkar dinglai in an hma-theh ber SEDP chu a kalphung tur sawichiang thei pawh an awmlo niin a sawi.

Serchhip Bazar Veng-a V. Laldingliana In-a Party Workers te a kawmna hunah hian MPCC President, Lal Thanhawla chuan Politics-ah hruaitu nih a chuh ngai loh thu leh tunah pawh chawlh a tum tawh laiin MPCC hruaitu ten an remtih loh vangin kum upa tak ni chunga party hruaina hna hi chelh zui leh a nih thu a sawi a. ZPM nen thawhho an tum loh thu sawiin, MLA inthlana an tlak chhan chu fello taka rorelna kalpui vang ni lo, a ti.

MPCC President chuan tun sawrkar in a hmatheh ber pakhat SEDP chu a kalphung tur sawichiang thei pawh an awm lo nia sawiin, a sawi te pahnih Chief Minister, Zoramthanga leh Dr. R. Lalthangliana sawi dan a inang lo a, sawi lovah an tlak leh ta rih a. SEDP cheng nuai 3 hi sem a ni dawn lo tih tuna Budget a lan loh dan a\angin a hriat a ni a ti bawk.

MPCC President chuan Mizoram Congress chu Central Congress-ah an innghah loh thu leh Central-a Congress \hat loh lai pawhin Mizoram-ah sawrkarna an chan fo tawh thu sawiin, tun \um MLA inthlana an tla chu an tla hnang lova, an tla harh hra a ni tih tuna MPCC, District Congress Committee leh Block hruaitu inthlan chhoh mekah a lan thu leh an phur thar em em tih a sawi a. Chief Minister, Zoramthanga Delhi zin chuan Prime Minister leh BJP President te hmu thei lovin, heh hil takin a lo haw tih pawh a sawi a. Sawrkar laipui-ah pawh BJP chu an talbuai tih sawiin, sum leh pai-ah GDP 5% chauh niin, an mangan avangin tunhmaa thleng zen zen lo Reserve Bank of India (RBI) sum cheng vbc. tam tak \um hnih \ham chhuah ngaiin an awm tih a sawi a, BJP chuan thil hlauhawm tak CAB chu kalpui ngei an tum a, hei hi Bangladesh mite tinzawna tih a nih avangin kan la buai phah hle ang, a ti bawk.