Sum enkawlna a hlawhchham zia tilangtu ah ngai

ZPM |halaite chuan sawrkar hnathawk lian te tana Laptop, Notebook, Tablet etc. leisakna tura ruahmanna siam a ni chu MNF Ministry chu sum enkawlna (Financial Management) ah an hlawhchham zia a tilang niin an tarlang.
Hemi chungchanga nimin-a thuchhuah an siamah ZPM |halaite chuan Secretariat Administration Department-in September ni 23, 2019-a Circular a tihchhuahah SAD a\anga hlawh la, Under Secretary leh a chunglamin Mobile IT devices (Laptop, Notebook, Tablet leh heng lam chi) sawrkar suma an leisakna tur tarlan a ni tih tarlangin, Secretary leh a chunglam tan Rs. 80,000/- (cheng singriat) man aia to lo, Joint Secretary a\anga Additional Secretary tan Rs. 60,000/- (cheng singruk) man aia to lo leh Under Secretary a\anga Deputy Secretary tan Rs. 40,000/- (cheng singli) man aia to lo an lei phalsak niin, a leitute hi e-payment hmanga an Bank Account-ah an leina man pek a nih tur thu tarlan a ni bawk tih an tarlang a.
Mizoram budget pharh takah Department tam takin hmasawnna hnathawhna tur sum an neih mang loh lai leh, hmun tam takah inkalpawhna kawng chhia siam\ha tura sawrkar beisei a nih mek lai te, inthlan dawna vote zawn nana Zoram mipui hriata cheng nuai thum sem tura an intiam mawlh mawlhna te pawh 'thehmeh' ang maia a reh vung vung lai leh Mizoram budget-a sawrkar hnathawk hlawh leh inrelbawlna sang lutuk avanga hmasawnna thawhna tur sum tlemzia kan sawi chamchi laia sawrkar hnathawk lian, hlawh tam tak late tana nuai za chuang senna belhna tur ni ngeia lang leisakna tura ruahmanna siam a ni chuan MNF Ministry-chu sum enkawlna (financial management) ah an hlawhchhamzia a tilangin, mirethei thleng phaklo inrelbawlna leh sum khawhralna kan hmu \an leh mek niin an tarlang.

Comments

Popular posts from this blog

PAN CARD an tih teh fo hi - Laldinpuia