Mizo Boxer te chawimawi

Sports & Youth Services Minister, Robert Romawia Royte chuan nimin khan a Pisa-ah World Police & Fire Games, Chengdu China a neih a India aiawh a tel leh Medal la Mizo hmei-chhe boxer 3 - Vanlalduati (BSF), Lalbuat-saihi (SSB) leh Lalfakmawii Ralte (SSB) te chawimawina hun buatsaihin lawmpuina thilpek a hlan bawk.
He hunah hian Sports Minister chuan he inelna-a Medal la Mizo Hmeichhe Boxer 3 te chu a lawmpui thu sawiin, India flag hnuaia International Level-ah Medal la tlemte zinga an tel thei chu thil ropui leh chhinchhiahtlak tak a nih thu a sawi a. Sports chu fitness leh nun tihhlim nan mai bakah Medal lak nan leh eizawn nana kan hman thiam a pawimawh tih pawh sawiin, hemi kawnga nasa zawka hmalak chu Sawrkar thar chuan a dah pawimawh hle tih a sawi a. Sports hmasawn zelna tur leh infiammite hmakhua ngaiin Sports chu industry-ah sengluh tum anih thu leh hemi atan Sawrkarin ngaihtuahna a sen mek thu a sawi bawk.
World Police Games & Fire Games hi Chengdu, China-ah August ni 9 leh ni 18 inkar chhung khan neih a ni a, he inelna ah hian khawvel ram hrang hrang 79 a\angin Police leh dan ken-kawhna lamah thawk infiammi 8000 chuang an tel a. Vanlalduati hi Border Security Force (BSF) ah thawk mekin Hmeichhe Boxing 51 kgs category-ah Gold Medal a la a. Lalbuatsaihi hian Hmeichhe Boxing 64 kgs category-ah Gold Medal lain Lalfakmawii Ralte hian Hmeichhe Boxing 81 kgs Category-a Gold Medal la ve thungin, anni pahnih hi Sashatra Seema Bal (SSB) ah thawk mek a ni a. India Police leh Para-Milltary Team aiawhin an zuk tel a ni.
World Police Games & Fire Games hi kum 1985 a\anga neih \an niin kum 2 dan-ah neih \hin a ni a, kumin hian India hian Gold 139, Silver 81 leh Bronze 66, a vaiin Medal 286 a la a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia