Bureau of Parliamentary Studies and Training tur kal

Mizoram Journalists Association-a Member 15 leh I&PR Officer 5 te chuan Lok Sabha Secretariat-a Bureau of Parliamentary Studies and Training nei turin nimin khan New Delhi an pan a, I&PR Minister, Lalruatkima chuan heng zin turte hi a vailiam a ni.

New Delhi-a training tur heng mite thlahna puala inkhawm tawi nimin-a I&PR Directorate-a neih ah I&PR Minister, Lalruatkima chuan I&PR Officer-te leh chanchinbumite a vawikhatna atana Lok Sabha Secretariat-ah training-a an kal thei tur chu a lawmawm tak zet tih sawiin, Mizoram tan thil thar tam tak zirchhuah tur a awm tih sawrkarin a hriat avangin an kalna tur sum tum sakin ruahmanna a siamsak tih a sawi a. Sawrkar flagship programme SEDP bakah sawrkar project hrang hrangte a chhawrtu tur mipuiin an chhawr ngei theih nan sawrkar hmalakna leh ruahmanna te mipui hnena puangzar leh zirtir \hin turin journalist-te an pawimawh tih pawh sawiin, thawhhona \ha leh inpumkhatna a awmnaah chuan ramin hma a sawn a, pawl a \hang a, sawrkar hmalakna a chak zel a ni, a ti bawk.

He training hi Sept. 25-27 chhunga neih tur niin Legislature leh Parliament kaihhnawih hriat tur pawimawh te chu mithiam ten an zirtir dawn a, he huna kal te hi I&PR Joint Director, Lalramliana Chawngte chuan hovin MJA a\anga kal zingah hian Serchhip District a\angin C. Lalhminghlua (Laisuih) chu a tel a ni.