YMA hruaitu ten ILP chungchanga harsatna Serchhip District Bawrhsap an sawipui

Serchhip Sub-Hqrs. YMA Kumpuan Committee hruaitute chuan nimin khan Serchhip District Bawrhsap, Sangchhin Chinzah chu a Office-ah kawmin ILP chungchanga an ngaimawh leh an ngaih pawimawh hrang hrang an sawipui.
Serchhip Sub-Hqrs. YMA Kumpuan Committee hian an Chairman, Serchhip Sub-Hqrs. YMA Vice President, Lalzuiliana hovin Serchhip District Bawrhsap hi a Pisa-ah kawmin tunhnaia Gas Stove Repairing hna thawk tura ILP pekchhuah chungchang te ILP hmang diklo leh Dan bawhchhia thawnhaw nana sum lama harsatna awm leh ILP pekchhuah tur buaipui chhung rei lutuk \hin te an sawipui a. District Bawrhsap chuan Gas Stove Repairing hna thawk tura ILP pek chu thil diklo, Trade License pekna ang a nih avangin hetianga ILP pekchhuah lo awm chu cancel a nih tur thu leh Mizoram a\anga a haw-na atan Temporary Permit pe-a hawna hun pek a nih tur thu a sawi a. Heng bakah hian Mizoram-a thlai thar rawn lai duh te pawh ILP nghet pe lova Temporary Permit pe \hin turin DC Office-a ILP buaipuitute chu a hrilh nghal bawk.
District Bawrhsap chuan hnamdang ILP an pek te nungchang leh khawsak phung chu a sponsor-tu te enzui tur a nih thu sawiin, engemaw avanga thawnhaw ngai an awm a nih chuan Dan in a sawi angin a thawnhawna tur senso chu a sponsor-tu te tum tur a nih thu a sawi a. ILP dilna Process chhung rei lutuk nia sawi chu MP inthlanpui laia thawktu indaihloh avanga harsatna an tawh thu leh inthlanpui zawhfel hnuah hi chuan hetiang thil hi awm tawh lo tura an ngaih thu leh alo awm a nih chuan an lo enfiah tur thu sawiin, ILP dilna File SDC-a tawp \hin pawh tihsual palh awm thei venna atan Officer sang zawk enpui tura hma an lo lak tur thu a sawi bawk.
He hunah hian YMA Kumpuan Committee hruaitute chuan Serchhip DC Office E-District a\anga Tribal Certificate leh Certificate dang pekchhuah \hin ah File kalmuang a awm \hin nia an hriat thu leh a khawihtu Officer te an zin emaw avanga tihfel mai theihloha awm \hin pawh Bawrhsap hnenah hian thlenin, Bawrhsap chu hei hi lo enfiah a nih tur thu leh software an hman ah a pechhuaktu Officer dah belh theih a nih chuan an lo buaipui tur thu a sawi bawk.

Comments

Popular posts from this blog

PAN CARD an tih teh fo hi - Laldinpuia