Serchhip khawpui chu Open Defecation Free Plus (ODF+) khua-ah puan a ni ta

Serchhip District Bawrhsap leh District Sanitation Task Force Chairman ni bawk, Sangchhin Chinzah chuan nimin khan Serchhip khawpui chu Open Defecation Free Plus (ODF+) khua a nih thu (preliminary) a puang.
District Bawrhsap hian nimin a a Office Chamber-a Task Force Meeting leh ODF Plus puanna hunah he thu hi a puang a, Bawrhsap chuan khawpui fai inelna kal meka Village Council hmalakna hrang hrangte, tlawmngai pawl leh Kohhran, mimal leh chhungkaw hrang hrang inpekna ah lawmthu a sawi a. “Lawmman pakhatna dawn tum kan nih kha kan hriatreng a ngai a, fai hi kan nunphunga behngheh tir tlat kan tum tur a ni,” a ti. Khawpui fai inelna kal mekah Serchhip District Sanitation Task Force hian hma a la nasa hle a, he inelna neih zawh hnu lawka Swachh Survekshan, 2019 lo awm lehnghal tur thlir telin ruahmanna tam tak a siam a ni.
District Sanitation Task Force in uluk taka inendikna (structural audit) a neih hnuah, khawpui chhunga Local Authority ten ODF Plus an nih thu an inpuan vek hnuin ODF Plus an nihna Preliminary Resolution chu nimin khan siam a ni a. Chu Preliminary Resolution ang chuan District Bawrhsap hian Serchhip chu Open Defecation Free Plus a nih thu a puang ta a. Heti hian Serchhip hi Mizoram-a ODF Plus khua nia Preliminary Resolution siam hmasa ber an ni.
ODF Plus a inpuang tur hian ODF khua nih tawh hnuah thildang tlin belh ngai a awm nual a; khawpui vawnfaina kawngah Bye Law mumal tak neih te, chu Bye Law chu mipuite hnena \ha taka puanzar te, khawpui-in vantlang inthiarna mumal, felfai leh tunlai tak a neih te a \ul a, tuallai-a inthiar leh bawlhhlawh paih mai mai te hremna dan mumal tak neih te leh thil pawimawh dang engemawzat tlin ngai a awm a. Heng tlin ngai hrang hrangte hi Serchhip khawpui hian tlin vekin, Solid Waste Management Rules, 2018 behchhanin Bye Law te pawh 2.8.2019 khan District Sanitation Task Force leh Village Council hrang hrang leh tlawmngai pawl aiawhte nen an lo duangin an lo pawm fel tawh a. Mipuite hnena hrilhhriatna pawh nasa takin an kalpui nghal a ni.
ODF Plus Declaration dan in a phut ang chuan Preliminary Resolution hi chanchinbu-ah tihchhuah a ni anga, ni 15 chhungin mipui a\angin sawhkhawk emaw, sawiselna a nei a nih loh chuan Final Resolution neih zui tur a ni ang. Final Resolution chu State thuneitute hnenah hrilhhriat a ni anga, endikna an rawn kalpui zui dawn a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia