Kolasib DC hmalakna ah MJA te an lawm

MJA General Hqrs. hruaitute chuan Inrinni khan Kolasib tlawhin District Bawrhsap, Zoengsanga leh MJA hruaitute kawmin ram leh hnam tana hma an lak \hinna chu lawmawm an tih thu an sawi.

Kolasib Circuit House-a an inkawmna hunah hian MJA General Hqrs. President, Zonunsanga Khiangte chuan Kolasib DC chu ram leh hnam tana huaisen taka hma a lak \hin avanga a hmaichhan ngei a hmuh chu an duhdan a nih thu a sawi a. Serkhan-Bagha Road harsatna awm a hmun a a enfiah te, Vairengte dai a Dan lova siam Kudam leh a chhunga awm te thianfai tura hma a lakna te chu chhuanawm an tih thu sawiin, a hmun ngeiah amah kala thil awmdan a enfiah \hin chu midang te pawhin entawn se an duh thu a sawi a. Kolasib chu Inter-State Boundary nei a nih avangin ramri ah buaina a awm fo \hin tih pawh sawiin, Vairengte dai a buaina awm a DC hmalakna te chhuanawm an tih thu leh Bairabi Zophai buaina chingfel tura Hailakandhi DC nen an inbiakna ah te pawh huaisen takin Mizo mipuite duhdan hrilha ram leh hnam tana huaisen taka hma a lakna chu chhuanawm an tih thu a sawi bawk.

He hunah hian Kolasib DC, Zoengsanga pawhin Kolasib leh Kolasib District tana \ha tur nia a ngaihah chuan huai takin hmalak zel a tum thu a sawi a, Kolasib District chhunga hmasawnna hna a chhiat leh \hat chu Kolasib DC a nihna avanga a mawh ah a ngaih thu pawh sawiin, finchhuah erawh a mamawh thu a sawi bawk.