Thih hnua midangte tana Mit pe chawimawi an ni

Rampuma 34th National Fortnight on Eye Donation hman chu tunkar Nilaini khan Ser-chhip-ah a kharna neiin he hunah hian midangte tana thih hnua Mit petu mi 3 te hnenah chawi-mawina hlan a ni.
August 25 a\anga hman '34th National Fortnight on Eye Donation' kharna inkhawm Serchhip CMO Conference Hall-a neih hi Serchhip CMO, Dr. Laldawngliana Sailo chuan kaihruaiin he hunah hian MUP leh MHIP Member te an tel a, he huna kalkhawmte hi Dr. ZD. Lalmuanawma, District Medical Superintendent chuan midangte tana Mit pek pawimawh zia zirtirin midangte tana thih hnu-a Mit pek chu khaw hmu tawhlo ten khaweng an lo hmuh ve theihna a nih avangin midang tana thih hnuah pawh malsawmna ni tura Mit pe turin a sawm bawk.
He Fortnight kharna hunah hian kum kalta chhunga midangte tana thih hnua Mit petu mi 3- Vanzika, Bungtlang, Dawnsuii, Pangzawl leh Lalchhandama Ralte, Biate chhung te hnenah Donor Certificate hlan a ni a, heng mi 3, thih hnua midangte tana Mit petu chhungte hnen a\ang hian midangte tana Mit pek an duhna chhan te ngaihthlak a ni bawk a. He huna kalkhawmte hian KC. Lalbiaknia, Data Entry Operator kaih-hruaina hnuaiah he Ni puala thutiam chu an chhamrual nghal bawk a ni.
Serchhip District-ah hian midangte tana Thih hnua Mit pe hi mi 6 an awm tawh a, kumin a he Fortnight kharna huna Donor Certificate an hlan mi 3 bakah Vanlalfela (27), Sailulak, Joseph Malsawmhlua (4), Thenzawl leh Lalnipuii (64) te chuan midangte tan an thih hnuah Mit hlanin heng mite hnenah hian nikum khan Donor Certificate hlan a lo ni tawh bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia