Damdawi In tih hmasawn a \ul

Tunhnai khan Serchhip East Block MNF-a Media & Vigilance Committee chuan Serchhip District Hospital-a thawk te kawmin mipui a\anga Hospital inenkawlna chungchanga zawhna awm hrang hrangte an sawiho bakah he damdawi In in harsatna a neih te sawiho a ni a.
Hetianga Serchhip District-a damdawi In lian ber enkawlna leh kalphung sawihona hun neih hi a lawmawm em em a, he sawihona an neih a\anga hian kan dam-dawi In pawhin inenkawlna bakah thawktute leh hmanraw lamah pawh hmasawnna hmel thar a hmuh ngei mipuite chuan kan beisei dawn a ni.
Serchhip District Hospital hi ram laili a awm, a District chhung mai bakah District pawnlam a\ang pawha mi tam takin an rawn pan \hin a ni a, chutihrual chuan thawktu leh hmanrua kan neih erawh mipuite hian kan duhkhawp lo fo \hin a. Tun \uma inkawmna ah pawh hian thawktu, a bikin IV Grade leh Group D bakah Nurse lama indaihlohna chu thawktute harsatna tawh lian ber niin a lang. Chuvangin, heng sawrkar hna lian ni lemlo, thawktu pawh lakbelh emaw harsa lo tura lang ah hi chuan thawktu kan neih belh theih nan kan Ruling Party te pawh hian nasa zawkin \an la se a duhawm hle a ni.
Chutihrual chuan kan damdawi In hmun leh building erawh a hma ang bawkin thuam-\hat kan la mamawh hle reng tih chu a lang a, tunah hian damdawi In building thar te han sawi bawk \hin mah ila hmalakna tak tak erawh ala awmlo niin a lang. Chuvangin, damdawi In thar sakna tur hmun, tuna kan damdawi In hmun aia zau zawk leh mipui pawh dawlzo tur zawk hi rang taka kan neih thuai a pawi-mawh hle a ni.

Comments

Popular posts from this blog

PAN CARD an tih teh fo hi - Laldinpuia