UD&PA Department Directorate building thar hawng

Mizoram New Capital Complex-a Urban Development & Poverty Alleviation Directorate Building sak thar chu nimin khan UD&PA Department changtu Deputy Chief Minister, Tawnluia chuan a hawng.
Cheng nuai 1100 seng a sak he building hawnna hunah hian Deputy Chief Minister chuan UD&PA chu Department pawimawh tak, khawsak chawikan kawnga kawng hrang hranga hma la \hintu, Scheme hrang hrang enkawltu leh viltu pawimawh tak an nih thu sawiin, Notified Town 23 huamchhungah hmasawnna hna ngawrh taka kalpui a nih thu a sawi. Deputy Chief Minister chuan UD&PA chu Department naupang tak ni chung siin an hmalakna leh an hnathawh a zau hle tih a sawi a, Town & Country Planning hnuaiah Master Plan te District Headquarter zawng zawng tan siam a nih thu leh Town 13-ah Master Plan siam tawh anih thu sawiin, heng Master Plan te hi a hlui deuh tawh avanga Revise leh mek anih thu a sawi a. Champhai, Kolasib leh Khawzawl Master Plan siam nan chak taka hma lak mek anih thu a sawi bawk.
Deputy Chief Minister chuan faina kawnga hmalakna \henkhatte tarlangin, Cesspool Cleaner Vehicle (Ek paih Motor) te pawh \angkai taka mipuiten an chhawr \hin thu a sawi a, Aizawl Municipal Area pawn lam Aizawl District Cencus Town-ah 'The Mizoram Town Sanitation Rules, 1980' hmangin Factory, Workshop, Restaurant, Hotel, Tea Stall, Hawker, Hoarding Licence siam a endik \hin a nih thu a sawi bawk. Tawnluia chuan Tuirial kama bawlhhlawh paihna (Tuirial Dumping Ground) hman mek chu Solid Waste Management Center thara insawn tur a ruahman mek a nih thu sawiin, “He Center hian a zawh dawn loh avangin Sihphir, Luangmual leh hmun dangah Solid Waste Management Center dang siam tura inbuatsaih mek a ni,” a ti bawk.
Sawrkar Flagship Programme SEDP hnuaiah kan khawpui te tih changkanna turin UD&PA hian hma kan la chho dawna tih pawh sawiin Deputy Chief Minister chuan, “He kan hmalakna tur ti hlawhtling tur hian kan rama NGO leh Mipui te thawhpui ah ka sawm che u a ni,” a ti a, mipui leh ram tana chhenfakawm leh inpekna thar nena hnathawk turin UD&PA a thawktute chu fuihin, he building hawn thar chu mipui leh kan ram tana malsawmna ni turin duhsakna a hlan bawk.
UD&PA Directorate building hi a bul \an nan Special Plan Assistance (SPA) hnuaiah kum 2013-2014 chhung khan sum dah a ni a, Lushai Engineers, Ramhlun Venglai chuan a sak hna thawkin October, 2015-ah hna thawh \an a ni a. Kum 2017-2018 chhung khan NEDP hnuaiah sum dah belh niin June 5, 2019 khan building hi sak zawh a ni. He Building hi Floor 9 a sang a ni.

Comments

Popular posts from this blog

PAN CARD an tih teh fo hi - Laldinpuia