Latest News

Serchhip-ah Kawtthler-a thil zuar te ham\hatna ngaihtuahin \hutkhawm neih a ni

Serchhip Town Vending Committee chu nimin khan Serchhip District Bawrhsap hova \hukhawmin Serchhip-a Street Vendor te tana hmalakna tur thil hrang hrang an sawiho.
Serchhip DC Meeting Room-a he Meeting-ah hian Serchhip District Bawrhsap chuan Serchhip chu khawpui fai kan nih tawh avangin kawtthler-a thil zuar \hin ten an duh duhna leh an remchanna hmun apianga thil an zawrh chu a fello tih sawiin, hemi kawnga UD&PA Department ten nasa taka hma an lo lak tawhna chu fakawm a tih thu a sawi a. He Meeting-ah hian heng thil zuar \hin te chungchang hi ngaihtuah tur a nih thu sawiin, he huna tel VC te chu khawtlang neitu tak tak an nih avangin theihtawp chhuaha Department-a thawk te \awiawm turin a chah bawk.
He hunah hian Serchhip District Urban Development Officer, Vanthangpuii chuan Town Vending Committee chu Street Vendor te ham\hatna atana thawktu an nih thu sawiin, Serchhip-ah hian kum 2005 a\angin Street Vendor te chu Registration tih sak an nih thu a sawi a, Street Vendor te hi kum khat atan zel Registration hi tihnun leh niin tunah hian Street Vendor license nei mi 43 an awm mek thu a sawi a. Sunday leh zan lama eitur zuara kawtthler-a inpho \hin te pawh registration tih zel a nih thu sawiin, an hmalakna hrang hrangte a tarlang bawk.
Town Vending Committee \hukhawm hian Serchhip-a Street Vendor awmsa te Registration chu tun thla chhungin a fel leh felloh ennawn nise tiin Vendor awmsa leh a thar tur te a\anga information pawimawh te pawh tun thla chhung vek hian lakkhawm nise an ti a, hei hi UD&PA Department leh an thawhpui NGO, Goodwill Foundation te chuan bawhzuiin VC te chuan an huamchhung \heuh ah an lo pui anga, Police ten a \ul angin an lo enpui bawk anga, Registration nei lova thil zuar te leh a zawrhna hmun ni lo a thil lo zuar te pawh enfiah nghal a ni ang. Hei bakah hian Serchhip-a thil zawrhna hmun (Vending Zone) awmsa te pawh ennawn niin rawtna thar an siam te chu State Level-a pawm turin thawn a ni ang. Hei bakah hian Street Vendor ten Dawhkan inang tlang an hman theihna tura hma an lo lak tawhna pawh he hunah hian tarlan niin Dawhkan remchang ang ang hman tawp chuan khawpui hmel a tih mawi loh theih avangin Dawhkan inang tlang hmang turin hmalak zui zel nise an ti bawk.

Comments

Popular News (Last 30 Days)